E adèsa al gran finèl…il pagèli ed n’an intrèg…

Partìma dai zugadòr, dai portèr , st’an ag n’è stè pù in t’al pèrma che al palàsotèlmarialuigia a parèva infin c’ag fìs na maledisiò…

Lupatèli…zero: mama mia che lavor, umanament n’al conòs mighe, al sarà al pù brèv ragas d’al mond, ma sia esteticament che tecnicament l’è improponibil…….n’è mighe par chès c’al sia d’la Gea anca lu ah ? no parchè a se spiegarìson parèci cosi…;

Guèrdolbè...sensa vot: dai là Mateo tra ti e al capità a si delichè c’me i tirapòra d’la swaroski……e dir c’at si na gran parson’na…….mo ragas a’t pèga pù l’inps che al pèrma……dai ten dur e fa na cura ed supradin;

Bucci…dès: eh mama mia Luca………mo t’rendot cont ed co t’è fat st’an ??? ètor che Rai “di tutto di più” l’è al slogan par ti………dzèma che l’ètra volta a’t si andè via con pù ombri che lùzi…….stavolta te’t si arfàt con gl’interès…..e po’ col salam……col salam là……….a gh’è un quelchidòn c’ag fis’cia ì orèci a’m sa……i dzèvon gesto fuori dalle righe…………’na bela merda……..fòra d’al righi l’è moggi e i so arbitro (guèrda chès de santis cassarà e palanca……….mo tò)…….al tò salam l’è stè al salam ed tuta pèrma…..un salam DA CIBUS; po’ gli ult’mi partìdi t’è fat post al ragasòt……co dir ed pù………Luca Bucci sicuramente uno di noi……e sta miga a provèr a andèr via ah ??? c’at gnìss gnanca in menta;

De Lucia...sensa vot: al g’ha d’il qualitè……magari i vot st’an quel…..pr’adèsa forsa e corag nani……e scolta Luca c’at convien!!!;

Bonera...sèt: pù o meno a znèr a vrèva portèrol mi da prandèli…….bè parola torna indrè……a sèma stè tutt un po’ trop malisios, l’infortuni in t’al riscaldament ed pèrma treviso l’era stè brut….a sarvìva d’al temp………e lu con serietè e profesionalitè l’ha fat un finèl ed campionè da smoking ! e dal vozì ca gira al sarìs al pù decis a spetèr fin’in ult’ma l’ariv ed ‘na nova proprietè parchè al vol stèr chi ! bè da pèrta mia a’t fag al me scusi uficèli e resta chi con nojètor!!!;

Ferronetti...ot: sarà stè un chès, mo da quand l’è rientrè la difesa l’ha cambiè facia……e po’ un aplauso parchè l’è gnù fòra da un bùz strìc bombè ! a jò fat na profesia…….tra 2 an l’è al tarsè titolèr d’la nasionèla agli europei……però a voj la maja hehehe;

Col’ly…sinc: eh figa tato……...a’t gh’è pù roturi tì che parma città cantiere………fòrsi al contrèri ed ferronetti a’t si andè fora quand la squèdra l’ha tachè a zughèr, mo al sèz tl’è miga guadagnè m’in dispiès mo l’è acsì;

Pasquèl…sèz: ag dag sèz parchè un quelc cross na quelca zughèda la gl’ha in t’al repertori……mo anca lu l’è sempor rot c’me la tangensièla in via traversèdol…..e sora l’cont l’è giòvon c’me l’acqua…;

Cannavaro…sèt: sarà miga vèra ca l’èma tgnù chi a madurìr adèsa cl’è bel madur e pront da spichèr al vol al va via ah ??? sens’ètor al campionè miglior da quand l’è chi……..wè tato sl’è vera che à la napoletana tò fradèl a’t lèsaris al post in nasionèla dopa i mondièl…..bè chi a’t sarìs sicur ed zughèr par fèrot vèdor donca……….fa ti i to cont…;

Cardò...ot: wè capità……..anca s’at zug poc……anca sa te stè insèmol con l’attak…….a’m n’in frega gnenta, a’s n’in frega gnenta……a’t gh’è da savèr na cosa e basta……ca sèma orgoglios d’un capitàn c’m ti vamolà…..che in t’i moment ca sarvìva a’t gh’è mis la facia……a brut mus……at si andè in camp trìd c’me la bùla……che a bològna t’è fat al gol ed scapuss pù bel d’la storia e dopa 5 minud a’t si crodè distrutt………si al so cl’è l’an pasè……mo sèrti cosi i rèston par tuta la vita miga par sinc minud e basta…..e ti t’sarè sempor un CROCIATO;

Contè...sèt: l’ha fat na stagiò da sèz c’me media, ma dato ca g’ho tirè ados un po’ trop de spès, adèsa ag dag un vot in pù……..we tato però a sarìs fort fèr c’la famosa partìda vintisìnc contra vintisinc ai campèt ti e nando col porti fati col borsi dl’esselunga……...un sabot dopmesdì……ah sarìsla miga na bon’na idea???;

Coito...sèt: stes discors fat par Bonera e compania cantanta…….al parèva gnù chi a scrochèr ancòra un quèlc franc……inveci al moment ed dir da bò al s’è mis dardè col cortèl fra i dent a guidèr la ciurma a l’arembag a forsa ed strènghi ! bravo suclò……adèsa a’t pòl tornèr ai campèt col tò socio chi d’sòra….hehehe schersi……s’at rendi ancora c’me il girò d’ritorni a gh’è post eccome anca st’an quel;

Rossi...ot: lè c’minsèma se dio vol a parlèr ed gioventù nostrana chic’sì……c’me dis giustament sandrò a tirèm il sòmi l’ha fat al gol pù pès ed l’an……anca se in òpser chi sn’in frega……a l’ultom second d’al prim temp ed parma chievo l’ha voltè la stagiò…..ghigna nostrana……idèi cèri……bravo nano continua acsì;

Bolano...sèz: la balaren’na ed can can tut somè l’ha fat col cl’ha podù…..dzèma che l’ha zughè in t’i periodi pegior e al n’è miga naufraghè…..l’è bèle quel…;

Sèvi…sèt: con la sfiga c’al g’ha co gh’èva da dèrogh……dai Pippo vaco d’un mond……s’at gh’è da bator càsa ed la sforton’na…..figa tra 2 an a’t si in nasionèla con ferronetti…….ten dur cor pramzan ten dur che prima o po’ la toca anca a ti……a’t si trop fort miga molèr ca sèma tut con ti……

Cigarè...sèz: par tornèr a la suficensa dopa la cojonèda ed san siro ag vrèva proprio un ragas inteligent c’al dimostrìs d’aver capì…….l’ha capì, l’ha catè n’alenador miga permalos e l’è gnu fora bèn…….la perla l’è stèda a gènva……na partida zughèda c’me un diretor d’orchestra in pònta ed bachèta;

Grèla...dès: si si dès……parchè lù al zughèva bèn anca quand ch’j ètor i fèvon schifo……e arpiclèros dopa un campionè c’me l’an pasè……ag vol vòn con do bali grosi c’me na ca ! in silensi, mèi na polemica…..lavor lavor e ancòra lavor……po’ d’al moment cl’era na me scomìsa l’an pasè……a gòd ancòra ed pù…….e ai mondièl ag sarà un pramzàn c’al tifa pr’i canguro vamolà;

Dessena...dès: al leò d’al dòm butè in camp………parsonalitè……..carator……..bèc ed fèr……….corsa……..senso tattico………tecnica………..sens d’al gol………e po’…….l’è un pramzan orgoglios d’issor pramzan……quand’al zuga a’s vèda in facia c’al da col quel ed pù………..la favola c’minsèda l’an pasè a bologna in do l’era stè al miglior in camp……….l’è continuèda…….a siena l’ha tgnù a gala al titanic…….a torè ag l’ha sbatù “in t’i dent”……….e via andèr……ag n’è par nisò………cor pramzàn…….orgoglio crociato……..continua a volèr bas e via andèr………grande !!!;

Plicio...nòv: dès e lode a ti e quator par to fradèl col d’al giròn d’andèda……..du zugador completament divers………adèsa però sta miga a dir c’at vè via ah nigrè……dai là sta miga…….da n’ètra pèrta j’en pù pes…….di simpatic c’me nojètor a’t n’in cat mighe wè……e po’ a gh’è da fnìr la statua ca vol mis al post di du brasè……ti e bresià a’t ricordot ???;

Brescià…nòv: e che zugador che zugador ragass……..quand’a te’t mèt lì tut in stènc l’è un spetacol…….po’ riva plicio c’at brasa su…….e via coi du brasè restyling…….donca quand’at ven a cà dai mondièl……sta miga a sbaglièr citè ah ??? ca ne t’pasa gnan par l’anticamera dal sarvèl ah canguro ?? fa miga di schèrs ne sn’in pèrla gnanca;

Marchionni...ot: bè dal moment che quand l’era ròt i’g l’èvon gnan pr’i pè……a’s pol gnanca dèrogh tort sl’è andè via…….però l’è stè lì c’al s’è dimostrè un òm……cl’ha zughè fin’in ultma sensa risparmièros……ad ogni modo s’at vrìs tornèr indrè……no par via che lilòr j’en antepatic c’me un gat tachè al bali…….torna pur indrè che chi la porta l’è vèrta……;

Mimmo...sinc: l’era da quator st’an………..ma c’me s’fa a dèr quator dopa na stagiò acsì ??? elora chèra al me 4 stagioni e birra media tgnèma par bon’ni il paroli ca t’è dit un mes fa…….st’an quel am fag pardonèr c’la stagiò ed merda chi…….l’è sgnè insìma al lunèri wè ???;

Corradi…dès: co gh’è quel da dir ??? no parchè co’s pretenda da col SIOR chi ??? prima ed tut l’è un sior con la S maiuscola miga un piòcc arfatt, second l’è gnu chi in umiltè, al sèva bele in partensa che al so mestèr al saris stè pù gram d’al solit, un sac ed boti da ciapèr e da dèr, poca compagnia la davanti e poc gol da fèr……elora al s’è fat su il manghi, l’ha lotè c’me un leò, fèma i cont plicio brescià e marchionni con lù j’an fat i gol che l’an pasè j’an miga fat, anca lu l’è rivè a dès c’le vùna d’il so percentuèli migliori, e al pèrma sensa il gila e sensa mimmo mo con lù e coi che con lu i zugon mej al s’è salvè 4 fèsti prima che l’an pasè…….e a’m ripet……con na signorilitè miga da tutt……wè barnèrd……a ti a’t dig d’andèr miga a sarchèr al frèd pr’al lèt da n’ètra pèrta…..chi c’sì a’t zug sicur……la genta l’ha imparè a vrèrot bè……sta chi e s n’in pèrla pù va là…;

Dal Vèc e Pisanu: oh ragasss co dir ! sadrò l’è ed cà a fontanlè……al conosarà sicurament un quelc frè c’al da d’il benedisiò ed colì da razò…….provì un po’ li dai…….parchè cl’ora e mez a pr’ò ch’iv fat l’è stè anca bon’na…….ma a gh’ì na sfiga adoss cl’è un lavor da mat;

Brèta…dès: bè Mariètt………..co dir…………dzèma ca ne te dmandèma gnanca scusa parchè al critichi j’en stèdi fati in bon’na fede…….e forsì in chi moment li d’il critichi fati a c’la manèra lì j’en anca sarvìdi……ad ogni modo con la tò costanza, la tò educasiò…….la tò umiltè ( vera miga c’me cl’ètor c’al girèva con la zincsènt e po’ al gh’èva la porsche in garage ) at s’è dè na lesiò…….sensa fèrla paghèr a nisò……..tenero con i deboli, forte con gli arroganti, l’uscida da san siro incazè c’me un drago a sbrajèr a drè ai prepotent l’è stè c’me al salam ed bucci………..ai pramzan chi n’han fat pasèr gnanca italo balbo d’in cà lor……sèrti cosi i pièson pù che un scudèt ! oh mariètt……a’m scordèva…….dato che chi a sèma stabil c’me un castèl ed chèrti da conchè, e a podrìs anca sucèdor ch’at gh’abi da fèr al valizì da chi a poc……quand la matematica la spachèva ancora al bali a se dzèva sèmpor…….mò sa riva c’la cosa che par scaramansia a ne’s pol miga nominèr…….la ciapèma grosa ???? second mi l’è ancora bon’na……parècia genta la vrìs fèr na bèla barachèda olltughèder……..ti co dit ??? se un quelchidò a’t podrìss sintìr…….ad ogni modo mariètt……da parson’ni s’cèti……..tri paroli “grasia ed tutt”;

Zoratto…dès in seconda: na presensa silensiosa ma second mi importantisima………no parchè daniele l’è vòn c’an n’in sa un bel po’ ed balò…;

Oioioisandromellisegnapernoi...dès e lode: la rivelasiò pù rivelasiò ed l’an……..ancòra pù d’grèla……..grande sandro………n’ètor cor pramzan……...eh dai temp ed mantovi al latèr ed via mascagni co n’è pasè d’acqua sota ai pont…….comunque a son convint che tut i pramsàn coj ver……..i’t volon un ben da la madona……mi par prim……..e avanti così………crociato 100%;

Pincolè...zèro: basta al vot…….lasèma perdòr……adios prof;

Sassi...dès: oh ragass adèsa i van chi pèron lancè con la sfrombla……….insòma la diferensa l’ha vista anca un ceco miga slovac;

Ad ogni modo chilòr j’an dimostrè tacament a la maja, serietè, onestè morèla e profesionèla…….al lanciacori d’la curva domenica onestament l’ha dit ed fèr n’aplauso fortisim a chi ragas che ai fisc j’an rispost orgogliosament, e j’han portè èlta la bandèra crozèda in tut’italia ! e simbolicament un coro personèl par tut parchè stavolta ì sl’en meritè tutt.

Angiolè e 5è...sèz: bè dai……..a sintìr chi gh’è dentor lor i’g tènon, insoma a fèr i nòss coj fig sèc i gh’èn saltè fòra bè….onore al merito;

Bondi…zèro: ecco chilù inveci propria al me piès mighe…….second mi con la chèrta bianca chi g’han dè al fèva anca mi col cl’ha fat lu…….e adèsa j’al fan pasèr da eroe…….però al n’ha miga capì che AL PERMA al n’è miga al so…mo d’i tifos !! e c’al g’ha da rèndor cont…….adèsa…….mah lasèma stèr…….an zònti pù gnenta par scaramansia…;

Al public…dès: na volta ed pù ed n’ètor pianeta………e al bèl l’è c’an fèma gnanca di sforz pr’issor acsì……….a sèma na ràza con na mèrcia in pù…….un aplauso a tutt…………magari (specialment i pù giòvon) na quèlca trasferta in pù……..ma pr’al rest sempr’impecabil……..sempor la cosa giusta in t’al moment giust……….pèrma e i pramzàn in dan mèj zò………c’al se sapia in tut al mond...

E adèsa sperèma bè……mi à sper in t’al brescià…….miga spagnol e gnan napoletà……

Bon’na istèda e forsa australia

Crociato+63+67

Le pagelle