A l’andèda a g’ho dedichè ch’il quator righi chi

"...ah prima d’fnir a vrèva dir na cosa su franceschini : un cont l’è la profesionalitè, un cont la grinta, un cont l’issor miga sportiv, specialment contra la squèdra d’la to citè…….lilù l’ha fat l’antisportiv tuta la partìda…….e anca con Morfeo, anca sl’ha ciapè na sciàfa o un saruc, al podèva stèr in pè…….va bè c’al vena da na zona in do su 10 parson’ni 7 j’en gob, 1 milanista 1 interista e l’ultom forsi tifos d’al pèrma……….comunque cicio grazie pr’issor stè acsì sportiv…………magari a’s ricordarèma..."

Adèsa a ribadìs cl’è un povor nador e anca balord ! chèra al mè oslò, insìma al sacro prato d’al tardini d’inanz a sandro melli te t’mèt su l’atenti et capì pistaòci d’un balord d’un fèls ca ne t’si ètor, s’at brusa al cul che al pèrma al t’ha stagnè via ( e l’ha fat ètor che bèn ) e che i zugador d’al pèrma i t’han dè na rumba che gnanca al cohiba……j’en caz tò c’at sì nasù balord!!!

E adèsa cavè col dent chi andèma avanti !!!

Bucci…dès: dès fis fin’a la fèn dl’an…….dò parèdi decisivi in t’al moment decisiv d’la partida…..sul 1 a 0……l’è stè al principèl artefice d’la rimonta second mi…..parchè so quant partidi l’ha salvè 3 o 4 gol ogni fèsta……e po’ l’è stè al lider d’al spogliatoi…..con c’la ghigna da mr.hyde lì;

Ferronetti...dèz: e che raza d’un bèl zugador cl’è saltè fora ! mo al sìv quel’è al problema ? cl’è anca un bèl ragas un bel po’ elora ch’il squèdri da figa chi g’han al marketing avansè……il l’aràn bèle slumè par portèrol via e fèrogh fèr d’j areclàm……ag vrìs c’al s’inamora ed na pramzana……dai là fighèti dìv da fèr pr’al bèn d’al nostor pèrma;

Contè...dèz: a parèva ca gl’avìs con ti…..a son sèmpor stè stitic da mat, mo n’è miga vera wè…… e po’ dopa l’esultanza da campètt d’al prèt ed jer…….t’al meritì propria un dèz parchè at godèv c’me n mat……bravo anca tì nanò!!!;

Cannavaro...sèt: l’unic difèt l’è stè c’al s’è vist poc……difèt par mod ed dir parchè anca il pònti d’lilòr in s’en visti elora la va bè acsì…..na regolaritè impresionanta ! applauso e magari s’at vrìs spetèr n’ètr an prima ed tornèr zò…..vèda un po’ tì;

Bonera...ot: l’è drè a gnir fòra un zugador con la crovata……figa un milord ed la fasa ! bravo a’m sa che pr’i mondièl a sia un ò tèrdi comunque continua acsì ne s’sa mèj………wè l’è vera ca te t’si caghè adoss a la fè d’la partida ??? al l’ha dit al piovanò jer sira…..cò sert emosionè ???;

Camara...sèz: figa ag manca un capèl bianc in tèsta al pèra calimero precis…….dzèma c’al gh’èva da quatèr marchionni e tut somè al n’ha miga sfigurè……al meno brilant ed tut mo l’era na vita c’al ne metèva miga pè in camp…..promos!!!;

Grèla…nòv: eh canguras d’la madona che sodisfasiò a dèrot di nov tut’il fèsti ! che bela scomìsa vènsa costa chi ! vòn di zugador taticament pu fort in circolasiò ( e second mi andèr in fonda at farè anca un gran gol )……bravo bravo bravo e bravo e ai mondièl a fag al tifo la ti e par von di du brasè;

Plicio…dèz: c’me i gol cl’ha fat ! figa 5è sensa vrèr a dèrol miga a col ricicladòr ed sold mafios ed zamparè l’è stè fat l’afèri pù gros ed l’an……..che rasa d’un zugador mama mia……adèsa al costa al triplo….né mighe che sacchi l’abia firmè n’ètra chèrta c’ag sia da fèr a mèz con un quelchidòn ah ???…..comunque a ribadìs ca voj la percentuèla parchè da quand l’è stè in trasmisiò con mi l’ha ciapè paura pr’al post e l’ha tachè a filèr c’me un sputnik……lù l’è von di du brasè……l’è col c’al bràsa su…;

Marchionni…ot: t’al sé a sarìs nov mo un vot in meno parchè at vè via………ad ogni modo sarà parchè magari lippi al t’ha fat capir na meza cosa…….mo at si drè a zughèr pù fort che prima……bravo nano un gran bel profesionista………e po’ se torè at piasrà mighe…..ca n’è mighe dificil l’è bruta bombè…..a’t pol tornèra anca a znèr ah…….c’at tolèma indrè subit!!!;

Bresià…dèz: ecco l’ètor di du brasè……..lù l’è col c’as fa brasèr…….imobil c’me na statua……..oh cicio fa mighe di schèrs ah…..st’an quel ti e cl’ètor canguro a tornì a zughèr con la crozèda……..pochi bali!!!;

Corradi…dèz e lode: al so al so………adèsa so quant i diran ecco al vot pù èlt a corradi…………si esat…….parchè oltre al lavor ed merda c’al fa in silensi par la squèdra, l’è anca una parson’na con la P MAIUSCOLA parchè l’ha dimostrè coj fat e mighe col paroli che par lù la squèdra l’è al prim post, una pònta c’la n’è mighe gelosa ansi, a la fèn d’la partida al tos su plicio in gropa e l’al porta sota la curva ! signori si nasce…..e chilù al gh’è nasu ed sicur……..confarmè al sent par sent par mi;

Pasquèl...ot: bravo……….vint minud a la grande…..voja ed zughèr sensa tanti bali e altruismo quand la smania ed strafèr l’al podèva portèr a tirèr…….applauso!!!;

Dessena...dèz e lode: e nanò vaca boia…….e ciàpl’in ti dent anca ste gir ah ???? bravo fag vèdor a cl’ètor mamlò ed franceschè cò vol dir issor pramzan al sent par sent………desdòt an, na maturitè na continuitè e na regolaritè impresionanti par la to etè…….un zugadòr c’al pèra un veterano…..al ne tradìsa mèj…….a m’al vèd un tardelli dei tempi d’oro……l’important con n’ètra maja adoss ! ORGOGLIO CROCIATO VAMOLA’!!!;

Brèta…trenta e lode: oh mario pr’adèsa i vot j’en coj d’i esam…….mo a’m sa c’at resta che la tesi….na formalitè…..e po’ la laurea la riva…….l’è chi pronta ormèi………sensa frey e gilardè…….i risultè j’en coj davanti a j’occ ed tut…………ormèj j’elogio j’en stè tirè fòra tuttt……. ag manca poc poc a c’la cosa là……dai dai prepèrot che la quaja storica l’è zvèn bombè ……e con ti sandrò, zoratto sassi e anca ( mo si dai…..tut somè i risultè i g’han dè un po’ ragiò ) 5è;

Public…dèz: da la tivù ( ahimè ) bel un bel po’ da vèdor…….anca al cronista l’ha tachè coj compliment al public bèle in t’al prim temp con na sciarpèda d’la madòna……e po’ in crescendo fin in fonda……noi con la voce voi con il cuore non solo a parole…

Par Tommy…….mi son d’acordi ch’in servìson a gnenta il cosi vistosi, la gh’è bèle na fondasiò e tanti ètri inisiativi…….al mod pù bel ed ricordèrol da chi inanz……al sarà col ed fèr d’il cosi concreti e in silensi…

Crociato+63+67

Le pagelle