|
 Mirante
òt: in dù méz t’ è fat di progrés
da fär paura, a ’t zi rivè ch’ a ‘t gh’ äv al vinavil insìmma a la riga ädla
porta, adésa a ’t vén fóra e a ‘t zi al padrón äd l’area ! Bravìssim avanti
acsì !;
Zacärd sèt:
Miclón partida miga facila, però a ’t zi ‘na certèssa li dardè ! Se al Don
al t’ à volsù, un parchè al gh’ é sicur e a ’s vädda ! Gran acuìsst;
Zenón séz: t’è
cors pù ti che Bordìn e Baldén mis insèmma, però un po’ trop imprecìz,
specialmént davanti indò a ‘t gh’è avù un pär d’ocazjón da crosär molt molt
méj äd còj ch’ a t’è fat;
Lucaréli sèt:
gran brut cliént chi du lì davanti ah lòmo, a tutt il manéri t’è lotè cme un
león e specialmént Cassano pù äd tant al n’à miga fat;
Panucci dù: a un
mito dal calcio a né ’s pól miga där zéro, elóra a ’s farmämma al dù, però
dormida sul gol e eror clamoróz sul rigor reclamè, l’odor dal derby da
Gènnva al né t’ha mìga fat bén;
Castlén séz: ‘na
gran prezénsa insìmma a la fàsa, mo strìcca strìcca dil gran còzi gnànca
l’ombra, t’é sarchè di nùmmor a la Maradona, läsa lì, pensa a zugär da
Pavlèn ch’a gh’ né basta;
Mariga òt:
partìda majusscola cme al solit, pchè par ch’ l’ apòg’ zbaljè e un pär äd
tir zbalè, a tutt il manéri zugadór ch’a srà difìccil cavärgla a tgnìrol
chi;
Galloppa déz:
anca par mì ‘na spana sóra a ch’ j ätor vintón jerdlà, zugadór impresjonànt
par cuantitè e cualitè, po’ secónd mi al m’à ascoltè e adésa al s’é scurtè i
cavìj e al pär Rita Pavone;
 Morón
séz: che confuzjón a Capitàn, dai
di la vritè che tutt somè a ’t piäza la pozisjón ch’al t’ à catè al Mìsster,
a ’t pol còrror adrè a tùtt sénsa dovér rispetär la pozisjón, un po’ al
calcio ch’a ‘s zuga da ragas in-t-al cortil che ti a ’t zùgh con l’entuziàzom
d’un ragas;
Biabiany séz: al
solit, divertentìssim, bón, zvèlt, ma tirär in porta l’è n’opsjonal, a ‘t m’arcòrd
al Pelo, atacànt me compàgn äd scuädra dal Circolo la Quercia äd Barbiàn,
zvèlt, pè bón, tutt cuant a post, però strìcca strìcca in déz an’ l’à fat
vìnt gol si e no !;
Amoruso séz:
elegansa fata zugadór, però alméno vùnna dil do ocazjón la vräva casäda
déntor e adésa sarìsson chi a parlär d’impréza;
Guidolin déz:
grande Don, grande ! Da gran profesjonìssta t’è dimostrè äd savér reagir a j
erór subit, e ancòrra ‘na volta un caplavór äd tatica a cà ädla caplìsta che
a tutt il manéri a ’n sämma miga tant lontan gnànca nojätor ! Grande Don a
gh’al digh ancòrra parchè s’al merita !;
Pùbblich sentdéz e lode:
da condivìddor con j amigh Doriàn, cme al sòlit ‘na giornäda äd sport e d’amicìssja
maraviljóza sòtta la lanterna, ätor che Téssri dal tifóz, tornéli, vidi,
bolón e arparéli ! A’m vén un dùbbi, mo al Sjòr Mediól a gh’ saral stè a
Gènnva a vèddor al spetàcol déntor e fóra dal camp ? Mah !
AVANTI
CROCIATI !!!
Crociato
+63+ |
