Mirante òt: sa g’ho da ìssor sincer un mes fa a’n g’arìss miga scomìss n’euro, inveci l’è drè a zugär con la cälma e la sicurèssa d’un campiòn!;

Zaccardo dèz: du partidi zero eror, esperiensa äd n’ätor livèl, se al Don a’l l’ha sarchè e se lù dal Don l’è gnù äd corsa un parchè a’g sarà e difati a’s vädda;

Dellafiore dèz: al masim di vòt pr’al zugador in teoria meno valutè äd la difeza, che inveci l’ha fat na partìda impecabila anca lù ! Ragas che fortòn’na alenäros con Guidolin-Panucci tutt’il fèsti;

Zenon òt: Dino, prìmm temp sorniòn, second a l’arembag, t’è dominè la fascia, purtrop un pär äd cròss con j’atacant smarchè bùtè fòra ma in-t-al complès gran partida anca ti c’me tutt;

Lucarèli òt: a’t si andè svèn a fär la fritäda cuand’a t’è scapè Zarate, che sionò a’l ne podäva sgnär gnanca col lapis, ma na partìda in zàca e cravata anca par tì;

Castlèn nòv: tirè fòra finalment da l’armäri cuand a’t tacäv à spuzär äd naftalina, partìda prepotenta con 3 o 4 assist a la facia äd chi dìs che i tò cross i vènon zò con la brèn’na;

Mariga dèz: una parola e basta ! Spaventòz !  Nigrètt ralenta un po’ sionò c’me j’ho bele dìt a’g vena l’ingorgo sòta a cà dal Ghiro par portärot via ! Un spetacol dabòn;

Galloppa òt: biondèn gran zugadòr, mo d’ogni tant a’t pèrdi na cualca bala äd tròp, èlora d’acordi al bel zògh, mo d’ogni tant putòst che darla a lòr, càzla in tribuna la bala;

Dzemaili sèt: prim temp da Raffai, chi l’ha visto, magari a’s pòl ciamär lavoro oscuro, mi a dirìss prorpia al turn äd nòta in miniera, second temp invèci molt mèj ad ogni modo c’at sì bòn a’s vädda subit;

Amoruso òt: elegansa da balarèn, du pè ch’j èn du pnèl, però con la tò esperienza la partìda la’s sära su con tutt’j ocasjòn c’at gh’è avù ! Gran ricambi chilù !;

Bojinov dèz: mama mia chilù che potensialitè c’al g’ha ! Sl’imbròca la stagiòn a’s n’in cavämma d’il sodisfasjon ! Ah certo ca’l ne sta miga a l’ombazèn c’me cl’ätor bulgaro äd cuindz’an fa, un toro furjòz , un talent pauròz;

Guidolin dèz: anca con sèz cambi na scuadra c’la parä n’arlòj svìzor, sora’l cònt con la cälma na luciditä mäj vissta ! Dopa du an n’ätra vitoria in trasferta in serie A, grazie Mister;

Ghiro òt: ecco Ghiro vädot che cuand a n’é ora riva al bél vot anca par ti ? L’é che a mi a ’n piäz miga regalärja i vot anca s’j à dagh par burla, però un cuälch consilli di la vritè ch’ a’t l’è ascoltè ah ? Al déz po’ al rivarà cuand … a ’t fnirè al silénsi stampa su un pär äd cuestjón ch’ a se sta a cór tant se miga äd pù che i risultè in camp, intant avanti acsì;

Public dèz: par col sentonèr cl’è andè a Roma äd marcordì sìra e zero a la mè influensa dato ca g’äva bele al biljèt in sacòsa ! A bat ancòra al fèr tant cl’è cäld, vojètor letòr d’il pagèli c’minsì a mètr in programa na gita a Gènva domenica c’ven ca g’hè da andär zò in tant e l’ocasjòn l’è parfèta !

AVANTI CROCIATI !!!

Crociato +63+

Le pagelle 2009/2010