Mirante nòv: un pär äd parädi strepitòzi, al vot in meno par cl’uscìda a la fèn dal primm temp da infärt;

Zaccardo dèz: c’me ezordi al Tardini a dirìss miga mäl e gol decizìv, da ex sora’l cònt; 

Paci òt: sempär mèj Massimo, incò in-t-na partìda äd grènta “alla Paci” un pär àd zugädi äd maruga “alla Panucci”, avanti acsì sempär mèj;

Lucarèli sèz: partìda triboläda con di client nojòz e beziòs, a’t si stè in ti prim dan e via andär;

Panucci nòv e mèz: un mèz vot in meno pr’al gol magnè, sionò la dventa nojòza dèz tutt’il fèsti;

Moròn sèt: che raza d’un mestèr c’al t’ha inventè al Don ah Stefano? Cuand’at si gnù sòta la curva a la fèn a’t n’in podäv propria pù e si che par stracär’t a tì a’g n’in vòl;           

Mariga nov: al pù bòn in camp, n’ätra partìda da cornìza, l’è che s’al va avanti acsì chilù a znär a gh’è la còvva da bò par portärsel via! Fortisim!; 

Galloppa sèz: a t’ho sbasè parchè il do ocazjòn pù pericolòzi d’al Palermo j’en gnùdi da do bali persi da tì, ma in t’al complèss n’ätra gran partìda äd quantitä e qualitä, n’ätr acuìsst imrochè e miga pòch;

Lansafàm sèt: dì a’l sèt cl’èra dai temp äd Crippa c’an se vdäva un pär ad gambi torti acsì? Mo l’era anca dai temp ed Chiesa c’an se vdäva d’il punisjòn e di corner tirè acsì ben;

Paloschi sèz: anca cuand a’t fe miga gol, la tò pärta c’me grènta vòja e corag na’n manca mäj e t’al sé cl’è col ca vrämma nojätor po’ sta trancuìll che i gol i rivaran ecome;

Biabiany sèz: gnenta sprint incò ah Speedy? A’s vädda che a Zenga i sò amigh interìssta ì g’aran dìtt ch’in t’han mäj vìsst e lù a’t n’ha mìss du o trì a guärdia ! Ad ogni modo li davanti trì ragasòt sensa paura ch’is piäzon un bel pò;

Guidolin nòv: apen’na un po’ meno Don parchè ne’s po’ miga tribolär acsì e portärsja tùtt in cà a c’la manera j’ultom vint minud, però c’me al solit strategia giùssta e luciditä a palädi!;

Public dèz: a vòj guardär un po’ pù in là, fäma che TUTT còj cà lèza chi’l pagèli chi a’l fa un pinsèr par gnira a Genova con la Doria fra cuindòz dì a fèr fèsta dato ca sèma gemelè da na vita? Sarìss bel andärg in dùmila no? E m’arcmand lasì a cà vìdi bulòn arparèli e passamontagna c’me a dìs col furbaciòn là!

AVANTI CROCIATI !!!

Crociato +63+

Le pagelle 2009/2010