Mirante òt: a’s vädda che zugär a tàca a Panucci a t’è drè a fär bèn anca a ti! Purtròp ì t’han inventè du gol strepitòz altrimenti gran partìda con un pär äd parädi da gran portèr;

Zenòn sèz: tra Santon, Eto’o e compagnia cantanta a’n gh’è miga stè da dormir jerdlà ah Dino ? Però la tò figura a’t l’è fata purtròp col là l’ha tirè fòra col colp da fenomeno a’l t’ha anticipè d’un milimètor e bon’na nòta sonadòr;

Paci sèt: partìda orgoljòza Massimo, propria c’me la’s piäza a nojätor, a’l me amigh Amilcare a’l te vräva tor su al post, mo a’g dirò c’al resta pur a lavorär in Banca che li dardè a sämma a pòst;

Lucarèli sèz: che brut client col Maicon lì ah ? E po’ cl’ingiuriòz äd Mourinho a’l g’ha zontè Balotèli, second mi jèr sirà a’t si andè a lèt bon’ora però a’n t’è mäj molè ! Bravo !;

Panucci ot: eeee chilù che raza d’un fuoriclàsa che lavor: sensa paroli, un zugadòr da sgrizòr col radar a’l capìssa n’ora primma in do riva la bala e tàc … a’l ven fòra testa älta e bala al pè ! Zò al capèl;

Zaccardo sèz: suficensa parchè a’l s’è sarcifichè in-t-na posisjpon ca n’è miga la sòvva, però l’èra sempr’in mèza c’me un giovedì: a’g sarvìssa ancòra vint dì äd preparasjon e zugär in-t-al so post;

Moròn sèz: vot äd stìma wè capitàn, anca parchè t’è zughè in-t-na posizjòn che second mi l’è städa la primma volta, a’t manca che fär al portèr e al centravanti po’ a’t j’è fatì tùti;

Mariga òt: a paräva äd vèdor na trasmisjòn äd Licia Colò jer in mèza al camp, alle falde del Kilimangiaro a cà d’i Watussi, tra ti e Vieira che dù pingajòn dì, però a’t l’è dominè da l’inizi a la fèn, partìda da smoking applausi e basta !;

Galloppa sèz: e anca stirasè, certo al Catania l’èra n’ätra còza ma t’è tribolè tròp tròp tròp lì in mèza, sensa mäj catèr la posisjòn ! Su la tèsta e arciapäros subìt;

Paloschi sèz: anca par tì un sèz äd stìma parchè a’t gh’è so cuant bonus in-t-al casètt però che domenica triboläda sensa gnanca un tir in porta ! dai ca’t jà fè col Palermo dai;

Biabiany òt: speedy Gonzales, i’n n’al ciapòn mäj, però Don a col ragas chi a’g vol insgnè a tirär in porta parchè a’g vol spighè c’as vènsa a butär la bala in mèza a chi trì päl ciamè “porta”;

Guidolin òt: c’me al solit al Mister l’ha sbaljè pòc o gnenta, l’ha anca provè a vènsor, e s’an fìss miga stè pr’al colp d’un fuoriclasa, magari la sorpresa in fonda a’g l’arìsson fata nojätor ! Adèsa Don gnenta scont a Zamparèn a m’arcmand;

Public da zero a dèz: zèro par chi novmìla abonè ch’è stè a cà, e si che Milàn a n’è miga tant in là ( mi a j’ho sia diznè che snè a cà ) dèz par chi mìla c’ha dé spetacol a San Siro, äd tifo e educasjòn, sibèn a’g sia cualchidòn c’as divertìssa a provocäros tutt’il fèsti, chisà parchè !

AVANTI CROCIATI !!!

Crociato +63+

Le pagelle 2009/2010