Mirant sèt: e l’è tut dir, l’ha limitè al pasìv con so cuanti parädi decizìvi! L’era c’me ìssor al frònt con na sfròmbla in man !;         

Dellafiore zero: a’l g’äva la facia d’un putèn ca s’è pers al marchè e’l ne cata pù so mèdra!   L’èra lì par cäs;

Lucarèli zero: chi l’ha vìsst Mascara ? A l’ho vìsst pù mi in tele che lù in camp, un disastär totäl;

Paci dù: se non ätor l’è stè còll con pù impègn là zardè in mèza, con pòca sostansa l’è vera ma la grènta par lù la gh’è städa;

Panucci zero: dòpa Gènva a ne’t si pù stè col äd l’inizi ! Lent piantè sensa grènta sensa vòja, cò è drè a sucèdor Christian ? No parchè acsì a ne’s va miga avanti bombè;

Moròn zèro: in ritärdi sul prìmm gol, in ritärdi tuta la partìda, c'me ch’j ätor dal rèst ! Bravo a dmandär scùza ai tifòz, ma a’n basta miga a vòl cambiè regìsstor subìt;

Dzemaili zero: a giùr ca ne’m ricord miga d’averol vìsst incuadrè na volta a pärta la gomndäda, l’è bele dit tùtt;

Lunardèn zèro: na spana e na märcia in meno, a’l parava l’ozlèn d’al frèd in mèza, la paura in-t-ì occ second mi a gh’èra d’avis d’issor in-t-un film äd Dario Argento;

Mariga du: unica còza l’alibi d’issor rientrè dopa tri mès, pr’al rest gnenta ed gnenta, ansi propria gnenta;

Bojinov zero: al vot compagn ai tir in porta ca t’è fat, agli ocasjòn, al zugädi importanti, zero su tuta la linea !;

Amoruso zero: partìda da späda e Nick al tira fòra al solit fiorètt, risultät ... al s’è vìsst !; 

Guidolin zero: Oh Don, co gh’è ? Cò iv fat su a Malta ? A gh’è cuèl ca spùssa in-t l’ambient o am sbalj mi ? Certo che Barbiàn l’è drè a dvintär un Gavia o un Mortiròl, animo Don, animo Parma !!!;

Boys dumilasincsènt: al vot pr’i Boys j’en i chilometri andäda e ritorni da Via Calistàn al Stadio äd Catania, par väddor col spetacol lì ! Però adèsa par tut ch’j ätor ( i Boys j’al san bele da lor ) l’è al moment äd fär vèdor ca sèma tifòz da bòn, còmda cuand’a va tutt ben, fòra il … adèsa tut cuant ca domenica a gh’è l’Inter !