Mirante sèz: col vòt chì l’è fjòl äd la vitoria sionò l’èra un bèl quator, parchè pr’un portèr la media tra na gàta e na gran paräda la’n fa miga sèz mo quator;

Zenòn sèz: stes discors par tì Dino, al prìmm temp a’t paräv vòn cl’äva pers la memoria, t’arè pèrs l’òm dèz volti in area, al second temp molt molt mèj;

Paci sèt: a tàca a Mascara i parävon Gianni e Pinotto, do spani abondanti äd diferensa, però a’n mäj scapè, bel periodo pr’al granatièr;

Lucarèli sèt: anca in cò pù atacant che difensòr, ma sòn ansi sämma tut convint cl’è stè tgnù al Lucarèli giùsst;

Panucci dèz: ragas, zò al capèl davanti a col monument d’al calcio chi ! Ätor che svernär, chilù a’l g’ha na grènta da ragazèn, belisim sòta la curva càrogh c’me na mòja;

Moròn dèz: capitàn parfèt par na scuädra finalment pien’na äd cör e’d vòja äd vènsor! Cò dit Stefano sarìs bel preparär na bèla tripla par chi bagolòn d’interista, ti co dit?;

Mariga sèz: ancòrra tròp consuzionäri a’t si tornè un po’ còl dal campo scuola äd l’an pasè t’è fat na partìda a corsa e balonädi e basta jerdlà;

Galloppa dèz: ätor dèz par n’ätor gròs acuìsst, partìda parfèta e gran gol e bela esultansa, ma prim’äd tùtt n’autentic computer in mèza al camp ! Bravisim;

Lanzafame sèz: un po’ Pisanu un po’ Reginäld, casinìssta miga di ridòr, tutt somè sempär suficent fin’adèsa;

Paloschi dèz: a’l sèt putèn che un cuälc nojòz a’l tiräva fòra la fola äd l’espariènsa äd l’etè e còzi acsì ! Ti a’t sì un campiòn e basta regolèr c’me n’arlòj svissor, un godiment contìnuo pr’i tifòz;

Biabiany nòv: un vòt in meno parchè propria äd tirär a ne’s n’in pärla gnanca mo che bela sorpresa chilù, a gh’è da divertìros, meno par chi g’ha da còrrorg a drè;

Guidolin nòv: un vòt parchè un cuälc ingranàg dardè al vòl oliè ancòrra, ma al Don l’è un fuoriclàsa e aver un fuoriclàsa in banchèn’na l’è un gran bel lavor.

Crociato +63+

Le pagelle 2009/2010