Mirant sèz: c’me al solit gol imparabil, po’ à sé’g mètta anca Pavlèn andämma bèn, pr’al rest gnent’äd speciäl;

Zenon òt: partìda còj barbìz Dino, gran cross sul prìmm gol, gran tir in-t-al second, Don second mi un po’ äd pù al dovrìss zugär col ragas chi;

Dellafiore sèt: molt bèn concentrè grintòz atènt, sensa colpi sui gol, insomma vòn ca se’g pòl contär cuand’a n’è ora;

Zacärd òt: n’ätra partìda ecesjonäla, sia da centräl che da tarsèn, na grènta da chi indrè, a la fèn l’èra sconsolè, propria in dispiazèr sincer, gran profesjonìssta dabòn;

Panucci òt: anca par Cristian na bèla partìda, purtrop a s’è ciapè du gol in manèra asurda, ma pr’al rest sbaljè gnenta gnanca vòn contra vòn;

Castlèn zero: Pavlèn mo cò èt fat ? Na roba che gnanca Niccolai a’s l’insognäva ! In-t-la partìda äd l’an un lavor acsì l’è stè na pugnaläda al còr ;

Moròn sèt: da capitàn, ormäj da mèz pramzàn a’s capìva cl’arìs paghè äd so sacòsa par vènsor c’la partìda chi ! Grintòz c’me sempär la pausa la gh’è sarvìda par cargär il baterìj;

Galloppa cuatòr: al bis d’al vot äd Ròmma ! Daniele svelja ca’n sämma gnanca a metè, e a pära c’at gh’è la ridòta a zugär sempr’in ritardi a’t perdi un sàc äd balòn, imprecìz, in pochi paroli, voltär pagina subìt;

Dzemaili sèz: gran corsa poca poca sostansa, trop narvòz, tròpa vòja äd strafär, la còza positiva l’è che adèsa al va al dòpi che a l’inizi äd l’an;

Biabiany sinc: povrèn al paräva Davide contra Golia, ansi äd Golia a’g n’èra pù che vòn, a’l gh’è rimbalsè contra tuta la partìda, sicurament la n’èra miga la so fèsta;

Amoruso dèz: e mama che partìda Nick ! Gol da campiòn, col tir là che s’al va dentär a sarìsòn ancòrra là a sbrajär, na partìda äd cualitè sostansa e maruga, un zugadòr presjòz dabòn e po’ sensa tanti bali anca na bèla esultansa;

Guidolin sinc:  eh Mister, tri centräl contra na pònta j’èron un po’ tròp ! n’ätra partensa trop timid c’me a Milan e a Ròmma, pr’al rest a’n gh’èra miga tant da sarnìr, però, dai, un po’ pù ad coràg a ne’s dispjäzriss  miga Don, anca contra al scuädri forti;

Tifòz òt: finalment na bela prestasjòn e finalment pòc pòc pòc juventèn in tribuna e in-t-i distint, sarìs bèl andär in-t-un bel ciòp a Livòron, dmandja tròp?

AVANTI CROCIATI !!!

Crociato +63+

Le pagelle 2009/2010