Mirant òt: c’me al solit at ciàp di gol imparabil, ma còl c’at pòl ciapär e anca un cuelèn äd pù a t’al ciàp sempär, jerdlà c’me in tut al campionè, e pr’unm portèr n’è miga pòc ansi l’è tùtt !;

Zaccardo sèz: col ròss lì col frèd ca gh’èra l’ha sintì l’aria äd cä  a’l t’ha tgnù schiss indrè al t’ha fat fär i straordinäri sensa po’ cavär fòra un ragn dal bùz;

Paci sèz: na colpa c’at gh’è Massimo l’è che t’è zughè a Romma e contra Totti e De Rossi a’t gh’è da subir e basta, du amonisjòn ridicoli e gnenta gobbi par la befana, purtrop;

Lucarèli sèz: al pupò al gnäva sempär zò ded lì, e al pù d’al volti a’l n’era miga da lù, na domenica äd straordinäri anca ti c’me i botgär sòta Nadäl;                                                                                               

Panucci òt: un profesjonìssta ! Prima e dop la partìda spàzi a l’amarcord, ma par novanta minud l’ha zughè na finäla di mondiäl con tri o cuàtor zugadi da fuoriclàsa c’me l’è ! Zò al capèl !;

Castlèn sèz: dì Pavlèn che ciòmma ca t’è mis su, tra ti e Zacärd dù tarsèn con la criniera, che però jerdlà pù che du leòn a parèvon dù gat pùff;

Moròn sinc: eh Stefano, cuand’ag vòl a’g vòl anca s’at si stè al meno pèz lì in mèza, Pizarro a’l v’ha pasturè tutt e ch’j ätor i v’han peschè e fat insìmma ai bräs, tut al repärt l’ha cors a vòd sensa ne difendär ne atacär;

Galloppa cuatòr: ciapè in mèza c’me un giovedì, l’aria äd cà l’è städa un dan la t’ha cavè forsi fìzzichi e mentäli forsi la pù bruta partìda fin’adèsa, mo fa gnenta adèsa testa basa e lavorär;

Dzemaili cuatòr: väla al discors äd Galloppa corsa pòca idei meno ancòrra, a m’arcmand al sèz äd Znär però ah, par ti e par tùtt;

Bojinov cuatòr: bruta partìda gnent’ätor da dir, anca par ti a m’arcmand contra i gôb a vrämma vènsor e basta e i colp da fär mäl te’g jè tì;

Amoruso dù: eh Nick, a’m dispiäz ma gnenta scont a nisòn, dopa la godùda c’at s’è fat fär col Bològna, jerdlà t’è scambjè la nostra area pr’al Teatro Regio, e t’è fat al balèt con col colp äd tàc lì sul prim gol lor, e pr’al rest gnenta äd gnenta, lent sensa midòl pòch incizìv;

Guidolin sinc: do partìdi a MIlàn e costa chi uguäli spacädi ! L’unic neo äd c’la stagiòn chi l’è che pers par pers contra sèrti scuärdi a gh’è da provärogh con un po’ pù äd coràg mo pr’al rest Don al se farà pasär un gran bel Nadäl ! Grasie !;

Tifòz zèro: a pärta al solit ciòp, na tifoseria deludentìssima fin’adèsa ! Sert dirigent con la lengua lònga e pòca vòja d’fär cuèl, al virus d’la tomana par tùtt, risultät in pochisim in trasferta, in silensi in cà ! Al sèz a rìva coj là, e tut cuant al sämma cò i s’han fat patìr i so amigh Moggi De Santis e companìa bèla ! Sperämma de sveljàros almeno contra chilòr, svelja e bon’ni fèsti a tùtt Nadäl a tùtt !

AVANTI CROCIATI !!!

Crociato +63+

Le pagelle 2009/2010