Ghiro dèz: pòsja partìr d’in fonda stè gir ? Visto Ghiro c’me l’è bel e facil fär al President ? Basta tòr vòn c’al sa äd cò’s trata, e ti’t resta al temp äd gòdor i risultät e i compliment äd tuta na citè ! Bravo e avanti acsì !

Mirante dèz: la paräda äd l’ultom second l’è c’me un gol, e la väla al masim di vòt da lè ! Bravo, silensi lavor umiltè e vòja d’imparär e a’s vädda;

Zaccardo òt: Vargas l’è un gran càncor ma a’n t’è miga fat un pas indrè gnanca na volta, e in t’al finäl t’è portè su la bala socuanti volti par fär respirär tùt ! bravo Ciomò !;

Dellafiore sèz: s’as fùss miga vèns, l’èra un pär äd vot in meno ! D’acòrdi che al Gila l’è disuman in area, mo anticipè sèc do volti e mèz in mèza a l’area a ne’s pòl miga !;

Lucarèli sèt: sempär n’occ a a la fascia indò gnäva zò Marchionni, in gran lavòr äd sostansa e na gran càrga sòta la curva a la fèn ! Lucarelli ce l’abbiamo noi a podamma cantär;

Panucci dèz: al lanc sul gol l’è un caplavör, un còlp äd pnèl par n’artìssta dal calcio ! E pensär che in nasjonäla a’g va legrottaglie, l’è bele dit tùtt !;

Castlè sèz: un po’ al dicors äd Dellafiore, Marchionni a’l t’ha fàt veddär la strìa;

Galloppa sèz: adèsa pr’un po’ basta andär con col là con la nasjonäla par piazèr ! Domenica te t’arpòs e col Genoa a vrämma vedär al Galloppa d’un mès fa;

Moròn dèz: dì wè, a t’è sbaljè al pasàg pù clamoros, col äd la màja a mì cuand’a sì gnù sota la curva ! Pasàg fòra mzùra e la Màja a’l l’ha ciapäda n’ätor ! A pärta i schèrs un finäl da gladiatòr, che spetacol Stefano !;

Dzemaili sèt: zugädi ad cualitè e d’il pausi un un pò tropi lònghi, ad ogni modo a’s vädda c’at gh’è in sacòsa i nùmmor d’ì bòn;

Amoruso òt: solida partìda con tant äd col fosforo da vendär sòt vöd, e finalment un gol su asjòn ! jerdlà pù important che mäi;

Bojinov òt: sanfäda d’al campjòn e anca äd l’ex, bela la càrga sòta la curva, a Pärma te’g stè bèn ah Bulgaro, gol pesant a la Crespo, e un gran pès la davanti ! Avanti acsì;

Lanzafame dèz: c’me col Chievo, a’t ven su bèle in partìda e un gol da lecär’s i barbìs, e dòpa so cuanti zugädi importanti ! A sòn sincèr a’t fäva molt meno bòn, invèci a’t si un sjòr zugadòr dabòn;

Guidolin dèz: Don, 17 pònt da Barbjàn ! Wè ca sòm bèle drè a organizär al comitato d’acogliènsa, a gh’è da därg’a drè dato ca s’è drè a fär na cavagna äd pònt ! Lesjòn a còj ca vòl fär i profesòr ! Bravo bravìsim !

Public dèz: a chi otsènt ch’è andè a Firèns e j’han godù bombè ! Fàmma n’ätor miracolo domenica ? Provämma a limpìr al Tardini c’me da chi indrè e sbrajär pù d’i Napoletàn ca n’è migha còza facila ?

AVANTI CROCIATI !!!

Crociato +63+

Le pagelle 2009/2010