Mirante sèz: partida strana, una paräda e basta e du gol sensa gnan na colpa, al rest d’al temp a ciapär dal frèd;

Zaccardo sinc: a’s pòl dir casinista insìmma a la Gazèta ? Ecco elora l’è stè un casinista, un gran impèggn mo prima ed tut na gran confujòn;

Dellafiore sinc: pr’otantanov minud parfèt u cuäzi, però sul prìmm gol a ne’s pòl miga rinculär sincuanta mètor, a se spenda un cartlèn e roger rabbit al se ferma a metè camp;

Lucarèli sinc: stes discors äd Dellafiore, sul prìmm gol l’ha completè l’òvra al s’è indormintè al n’è miga gnu su e l’ha tgnù in zögh Borriello;

Panucci sinc: su second gol l’ha fat al stès eròr che con Pazzini e Tirobocchi, a’l s’inciòlda lì e la pònta la fa gol; Cristian, con la tò esparjènza basta però ah?;

Galloppa cuàtor: co te t’si scordè su il scärpi da jogging ca ne’t si stè in pè na volta in tuta la partìda? Sarcämma d’arvoltär la fòla biondo parchè al Galloppa d’il prìmmi partìdi l’è propria n’ätor zugador completament;

Moròn sèz: mej che Gattuso in-t-al vostär derby calabrèz, abastansa pozitiv, sibèn na cuälca blizgäda anca ti te’t la si miga fata mancär;

Dzemaili cuator: un gran tir d’acordi e po’ ? Scärpi äd piòmb, incioldè in tèra, a’l vòl mìs mez’òra in-t-la trieotanta chilù;

Lunardè sèt: ala pù bòn jerdlà, compitino e gnenta äd pù però a’l n’ha sbaljè gnenta a difarensa äd parècc compagn, e a’s sa, sbaljär davanti a sert zugadòr i’t la fan pagär;

Paloschi sinc: l’arìss paghè äd so sacòsa par fär gol, a’g l’ha misa propria tùta però in do ocasjòn a’l g’ha avù la bala bòn’na e second mi a’l s’è emosjonè;

Bojinov cuator: dopa al dèz äd marcordì l’è rivè al cuàtor; da na so bala persa pr’un dribling inutil l’è rivè al contropè d’al prim gol, so cuant tir sbalè e partita da zmingär subìt;

Guidolin sèz: partìda ben studiäda, decìsa da eròr singol e da gran zugädi äd gran zugador dal Milan, dai Don penämma subit al Chievo e amen;

Public dèz e lode: par chi mìla ch’era a San Siro (nonostant i solit problema con i biljètt che a Pärma i’n n’han mandè ätor che cuatorsènt) ch’j han dè na lesjòn äd tifo ai cuarantamila milanista con la tèssra in sacòsa mo con zò la vòza, mo un bel zero par tutt còj ch’è stè a cà int-na trasferta comda comda e con la scuädra cuärta in clasifica!

AVANTI CROCIATI !!!

Crociato +63+

Le pagelle 2009/2010