|
 Mirànt
sénsa vot: s’ at ciapäv gol dal badant però t’ arìs dè un zéro sèch cme
un pìmngol, l’avarsäri pu pericolóz jerdlà sira l’é städa l’umditè;
Zacärd séz: partìda onésta, njént äd pù, la còza previdénta l’é städa
la tajäda ad cavìj, cme al m’ à fat notär al tò sòsia in curva;
Dellafiore òt: oh ragas chilù do partidi sèz pónt, zéro stupidädi,
sémpor pront cuand al sarvìssa, in pochi paroli ‘na béla sorpréza;
Lucaréli séz: al prìmm témp a paräva c’h a ‘t gh’avìss la sfrómbla
in-t-i pè, cuator lanc’ zbalè e ‘na gran confuzjón, second témp invéci cuäzi
parfét;
Panucci séz: äd stìmma Christian, parchè anca jerdlà, socuànti
dormìdi pericolózi, però al carisma a ’n t’ al tira via nisón;
Antonéli sèt: p’r al salvatag’ miracolóz dal primm témp sionò ‘na
timidèssa da ragasén la prìmma volta ch’ al va a moróza, dai nano a gh’ vól
dal bèch äd fér par zugär in sèria A;
Castlén sèt: Pavlén invéci l’é entrè in partida sùbbit, e l’à fat fär
30 met’r indrè al nigrètt dal Bäri che con Antonéli invéci l’éra sémpor su;
Galloppa séz: äd stìmma cme Panucci, mo a paräva ch’ a ‘t gh’ aviss
il scärpi antinfortunistica invéci che i scarpén da balón da tant a tè
’tirär adrè il gambi;
Morón sèt: in-t-al prìmm témp a ’t si stè al prìmm a sarcär äd drovär
la conisjón par révor al mur dal Bäri, un Morón pù ragionadór e meno
istintiv, té ’m si piazù bombén ( cme al solit );
 Lunardén
déz: prìmma ancòrra che un bel zugadór, un ragas d’or ! E l’é inùttil
ch’ a spiega al parchè, al sèmma tutt e tutt a gh’ vrämma bén a col ragas
chi ! Cme dirìss Arrigo umiltè e concentrasjón!;
Lanzafame séz: la vlontè la gh’ fa miga difét, jerdlà a gh’é tochè
zugär in-t-al momént indò i Baréz j éron fìss in diféza cme a Rimini a
feragòsst;
Paloschi déz: se Dio vól al letargo l’é durè pòch ! Signori l’é tornè
al putén terìbbil, adésa j én afäri vòstor ( a ’s dirìss in-t n’ätra manéra
mo insìmma al giornäl a né ’s pól miga, sa vrì a val digh al bar );
Bojinov déz: e co gh’ dit a chilù ? L’ éra dai témp äd Chiesa ch’ a
‘n sé vdäva un gol acsì chilù a val digh mi l’é bón da zgarbè, e al gh’à al
vìssi di campjón, cioè ch’al fa di gòl decizìv !;
Guidolin: incó njénta vót Mìssster ( cioè déz ) vè cuand rivämma a
cuaranta pónt ch’al vén su a Barbjàn in bici, dato che mi a stagh lì tàca,
al ’s férma ch’ a tajämma socuànt salam e sturämma socuànt botìljj valabèn
?;
Pubblich: sénsa vót p’r adésa, guardämma a Milàn in cuant a gh’
sarämma e fämma un zughén, dato ch’ i véndon i biljètt fin a stasìra, cuand
lezì il pagéli ciapì in man al telefono, ciamì n’amigh o dù, organizì ‘na
machinäda e in pausa andì a tor i biljètt in Banca dailà sarcämma d’andär a
Milàn in parèc’ e m’ arcmànd lasì a cà vìdi bolón e arparéli !
AVANTI
CROCIATI !!!
Crociato
+63+ |
