Mirante sèz: un pär äd parädi da razòn, però nani tira via al vinavil d’insìmma a la riga äd porta parchè a’t sì propria incolè che lavor mäj n’usìda che vùnna;

Dellafiore sèt: praticament a l’ezòrdi sensa infamia e sensa lode, ma a’s merita un vòt in pù propria parchè butè in-t-al Colosseo tut d’un pìcc;

Paci sèt: zugär a tàca a Panucci l’è un bel zugär ah lòmo?Avanti acsì!;

Lucarèli sèz: tirämma via al picèn che äd Lucarèli a’g n’è restè che vòn, e col giùsst, al vot l’è la media tra al rigor provochè e al gòl sgnè, ad ogni modo la solita sicurèza;

Panucci sèt: regista parfèt, personalitä spaziäla, mi par chilù a stravèd da un bel po’, in pù da cuand l’ha tacagnè con Lippi ancòrra äd pù !!!;

Moròn sèz: al solit capitan, corsa grènta e vlontè da dèz, precizjòn un po’ meno, ma al solit gran cör;

Mariga sinc: un vòt tajè a metè in t’un second ! L’èra dèz fin’a l’ultom, ma sul parègg a ne’s pòl miga fär na stupidäda uguäla no no e no !;

Galloppa sinc: un po’ tròp gornè, wè biondèn fòra il … caràtor, capì ? Dai, bòcär balòn e avarsäri a cminzär da domenica c’ven;

Lanzafame sèt: sens’ätor la pù bèla partìda da cuand l’è rivè, no parchè mi a j’ho zughè con un Lanzafame in t’j amator che fin’a jerdlà a’l paräva pù bon che chilù;

Paloschi òt: al putèn l’ha arcminzè d’in do l’äva fnì, gol e corsa a rampär su par la ramäda !!! C’me dir tut parfèt !!!;

Biabiany òt: a’l ne tira in porta gnanca sa’t ghe stè drè col s’ciòpp, però l’ha fat na partìda strepitòza, a’g vol bele fat al taljand a chilù parchè l’ha cors pù lù che tutt ch’j ätor mìss insèmo;

Guidolin sèt: bravo Don, bravo parchè a gh’èra n’äria bàsa in chi giòron chi, un narvòz ca’s tajäva col cortèl, invèci con na rivolusjòn l’ha mìss in camp na scuädra cuäzi parfèta ! Bravo Don, gran fiducia da pärta äd tùtt;

Tèssra dal tifòz: sibèn ca’g sia parècia gènta che chisà al parchè la tira la voläda a sta tèssra, anca insìmma ai giornäl, mi a dig che n’asurdìtè compagna l’èra dificil imaginärla, pròvi mò a cìminsär a andär a därla in via Palermo la tèsra äd l’ordine pubblico, ätor che al stadio !!!

Crociato +63+

Le pagelle 2009/2010