Pavarèn sinc: sul gol sensa colpa, però al pära sènsa midòl, deblèn anèmic, t’ani fàt j’ezàm d’al sangòv? Va a magnär col Ghiro na cuälca volta va!;

Pegolo sèz: almeno a’l g’ha la mìsa da portèr, po’ pr’al rèst l’ha fat col c’al g’äva da fär;

Toast sìnc: sensa inìzi e sensa fèn, a’l n’ha miga fàt di gran eròr, ma in generäl a ne’s sa miga co’s faga su;

Castlèn sinc: du balòn da tirär e fär gòl l’ha sarchè äd fär di cross, la mania àd fär di ghirigori quand’a sarvìssa ìssor decìz, concret! Lòmo a sämma in serie B sa ne’t l’è ancòrra capìda;

Rossi dù: bravo Marco, t’è pisstè i pè fin’adèsa par zugär, nojätor a t’èma dè corda, riva al tò moment e a’t fè la siochèssa pù gròsa c’as pòsa fèr! Mah... ;

Lucarèli picèn trì: a’l sempär con dù märci in meno che l’avarsäri c’al g’ha da marcär! I t’han vindù sensa färot prìmma al taljänd, chi genvèz piociòn lì!;

Moròn sìnc: a’g l’ha caväda a mètrot in confusiòn Cagni con c’la formasiòn d’al prìmm temp, a’t giräv c’me pr’al camp c’me un cieco sensa bastòn e sensa càn!;

Mariga sìnc: i’n l’han ancòrra capìda che chilù a’g vòl fat far d’la tecnica e d’la tatica e basta che con col fìzich lì in forma a’l gh’è sempär ? Parchè al còra al còra mo la cognisiòn lasämma perdär;

Parravicini sinc: n’etär c’al pìssta i pè par zugär e po’, al fa meno dan cuand’al sta in panca! L’è dvintè trìst;

Reginald zèro: l’ha sbaljè un gol c’al la fäva anca mì, e tùt par concentrasiòn, a’s vèda che còla lì l’è riserväda a c’la ragàsa, e quand’al va inc amp l’è sùtt c’me na brèta;                 

Antonèli sèz: sens’ätor l’è stè còl c’al g’ha mìss pù vlontè, pù grènta, miga un fenomeno però l’impègn a’l n’è miga manchè;

Papòn sèz: lasè da lù c’me un malè contagiòs la davanti al prìmm temp, povrèt mi sarìss rabì e miga pòc;

Lucarèli grand sèz: boh, l’impègn a’l ne manca miga elòra co sucèda ? L’è fnìda la benzina dal tùtt ? A som preocupè, l’è n’an c’al ne va mäj in forma, quèl a gh’è;

Paloschi sèz: n’assist strepitòz, ca väla la suficènsa da lù, purtròp a la parson’na sbaljäda, al pròsim gìr fa tut da tì cl’è mej;

Cagni zèro: Gigèn l’è bèle tärdi wè! Formasiòn dal prìm temp che gnanca mimmodicarlo l’arìss fàt pèz! E pò t’al dìg subìt c’an se sbaljämma miga, sta miga a contär d’il bali in conferenza stampa che chi l’è la còza ca dà pù fastidi, lasa lì äd tirär fòra d’il scùzi e pärla meno! Patti chiari amicizia lunga!

Crociato +63+

Le pagelle 2008/2009