Pavarèn sèz: d’incoragiamènt miga pr’ätor parchè s’at vè drè n’ätor po’ a’n blochèr gnanca un tir, a’t ciamarò manganòn;

Zenoni sèz: Dino un prim tèmp da Dario Argento, al second molt mèj mo gnent’äd speciäl wè, suficènsa stirasäda un bel pò;

Castlèn sèt: du assist strepitòz, a n’èra ora ca te’t metìss il scarpètti drìti;  

Paci sèz: a väla al discors äd Dino, prim tèmp da sgrizòr, second temp in discesa, ma a gh’è da migliorär e miga pòc;

Lucarèli picèn sèz: propria parchè dòpa un cuatr’à vòn a’n voj där gnanca n’insificènsa, sionò a’t sarìss stè in prima fila di rimandè;

Moròn òt: dìt e fàt, sbaljè la prìmma a’l s’è bèle arciapè e a la granda !!! Un second temp da combatiment, e la bala la saltäva sempär fòra in t’ì so pè!!! Na garansìa asoluta;

Budel sèz: na cälma, un pàs da tolasudòlsa che mama;  a’l ne cambia mäi marcia, l’è c’me un Ciao presa dirèta, sensa gnanca al variatòr dailà lòmo mèta du dìd in t’la presa äd la corènta par ciapar na scòsa;

Leon dèz: du partìdi du dèz, miga mäl no no!!! Tècnica, tèmp giùsst pr’il zogädi, vision äd zögh e anca na grènta da fär paura!!! In serie B sens’ätor un fuoriclàsa, un piazèr par j’òcc bravo avanti acsì;

Reginald sèz: a gh’èra d’avìs d’ìssor ancòra a la fèsta äd c’la ragàsa, dato cl’ha continuè a balèra d’il sambi finin fònda, un pistamènt äd pè da fär paura tut’al temp, però la vòja la’n manca miga elòra sèz e amen;  

Paloschi dèz: gol, zogädi facili, cognisiòn fòra dal normäl, umiltä, maruga, e tùtt a dezdòt àn!!! Chilù l’è stè n’acuìsst imbrochè da bòn, sarà un piazèr vèdrol zogär con la crozàda adòss;

Lucarèli dèz: l’ha fàt pòc ( a’s fa par dir ) mo col pòc al moment giùsst e fat a la perfesiòn ! col ca’s vòl che un zugadòr c’me lù a’l fàga!!! C’al dàga al colp äd gràsia quand’a n’è ora, e in cò l’è stè parfèt e po’ a‘g son stè atènt  in sèrt ategiamènt a s’è capì c’ag tèna da bòn e miga pòc !!!  Capitano … dèz !!!;

Mariga, Matteini e Papò òt: trì cambi e trì zugadòr motivè, entrè in partìda subìt, con la voja äd zogär e äd fär bèn,  a vòl dir che se Dio vòl a gh’è armonia in t’la scuädra !!!;

Cagni òt: formasiòn sbilanciäda miga da rìdor, però a s’è dimostrè cl’è stè tut calcolè, l’ha fat fiacär j’aversäri e dopa n’ora a’l s’è podù permetär ed risparmiär par martedì tut dù j’atacant, la scuädra l’è sempär drè a crèssor fizicament, dònca Gigi pr’adèsa tut a pòst basta andär avanti acsì;

Public dèz: na Curva e un tifo da serie A, sens’ätor a’n sèma miga genta da serie B, però st’an äd Purgatòri a’l s’è drè a fär ben anca a nojätor.

Crociato +63+

Le pagelle 2008/2009