Pavarèn dèz: na paräda c’la väla un gol parchè s’as becäva al gol in còl moment lì bòn’na nòt sonadòr;

Castlèn sèz: tùta la partìda cl’è andè via äd travèrs dato cl’èra a dèstra l’èra tùt tòrt insòma a’l renda la metè èsor da la pärta sbagliäda;

Rossi sèz: na partìda onèsta anca parchè lòr j’èron propria poca còza, ma la va bèn acsì;

Falcò  zèro: nador pù che falcòn, va dal cardiologo parchè a’t gh’è ì’l vèn’ni ca se strìca tròp a la zvelta dailà, fàt där n’ociäda;

Toast sèt: c’am ricorda mi gnanca n’eròr, po’ l’è vèra cl’è stè gornè là zò però, na partìda con d’la maruga;

Lucarèli picèn sèt: al pù bèl acuìsst a’l dìg e al ripèt bel difensòr a anca un bel pè par lanciär l’aziòn;

Altobèli sèt: l’idolo äd la Bèla Etè l’è un ragas cuordileone, stì trancuìll ca ne’s rispärmia miga un ragaàs interesànt;

Mariga sèz: dal pè tòrt sensa vrèr l’è saltè fòra n’assist c’me fäva Maradona da chi indrè, solit dìsc, na vlontè incredibila, rendiment pèn’na pèn’na suficènt;

Moròn sèt: che bèl vèdär ch’il do gambi äd senner andèr c’me dù mulinèl da pescadòr! Che esempi par tùtt, un ver Crozè sìt sicur d’èsor miga nasù al Magiòr?;

Reginald sìnc: e blisga blisga blisga l’è andäda a fnìr ca s’è fat mäl mo l’è mèj posìbil? E cambi‑är i tachètt no ah?;

Kutuzov cuàtor: al badant a’l g’ha la mobilitä d’un motòr a cìngol, cuand’al pòl crosär a’l taca a barcolär e adìo; mi profitarìs dal marchè … guardämma col fa su Berta filava;

Lucarèli grand sèz: prìmm temp imbarasànt, second temp da combatiment, dopa al gol l’ha bechè un sàc ed punisiòn fondamentäli, l’ha zughè par la scuädra a’l vòt l’è par col lì; 

Paloschi dèz: gol pe-san-ti-sim, e in generäl mèj na paròla zò’d post e stär sedù in panca e vedär zugär chi dù là a’n g’ha miga da èsor tanta còmda! Dai ca n’è ora c’at vèn fòra d’al tùtt lòmo;

Guidolin sèt: bravo Don, cambi giùsst a la fèn d’al prim temp e scuädra a post con la tèsta ( falcòn a pärta ) bel lavor, à ne’m rèsta che dir avanti acsì fin’in fònda;

Public sensa vòt: se Dio vòl al 2008 l’è fnì; a’s ripartìssa da na citè, Vicensa, in dòva nojätor pramzàn in-t-la vita j’èma pasè pù giornädi indimenticabili che col nostär mojèri, elòra via, a cà il mojèri ( còli ca’n vena miga al stadio ) e tut a Vicensa vamolà!

Bon’ni fèsti e bòn colesterolo a tùtt i Cròzè !!!

Crociato +63+

Le pagelle 2008/2009