Pavarèn sìnc: l’èra ancòra in vacansa chilù e si chi fan alenament da un mèz, na dormìda giganta e mèj sicur;

Troest sèz: da la paura äd sbagliär l’è stè in t’i prìmm dàn, dardè discrèt, ma c’me impostasiòn lasämma perdär;

Castlèn sìnc: Pavlèn l’ha arcminsè in do l’èva fnì, intrèg, pòc precìz, inutil cuäsi pericolòs, dèros na mòsa subit par piazèr;

Paci sèz: suficient gnent’äd pù, intrèg anca lù, timoròs du pè da sgrizòr insòma da migliorär e parècc;

Lucarèli picèn sèz: a’l m’è piazù, decìz, sensa paura, però l’ha scambiè al tardini pr’al zardèn äd cà sòvva dato c’al pasäva sempär la bala a so fradèl;

Moròn sìnc: Stefano t’è bèle zughè al bonus no? Äd solit a’l sbaglia na partìda a l’àn, d’ora inànz a sèma trancuìl, c’al farà sempär stravedär;

Budel sinc: l’è dzèvod c’me un pìat äd la mensa äd l’ospedäl! In mèza al camp chèra al me lòmo in serie B a’t gh’è da c’mandär tì miga ch’j ätor capì???;

Leon dèz: Leon äd nom e äd fàt, al mjòr in camp sens’ätor, grènta tècnica concrètèssa fantasìa! S’al continua acsì a’s farà divertìr da bòn!;

Reginald sìnc: a’l fa un cuädor e po’ quand l’è drè a fnìrol a’l ghe straja insìmma tut i colòr! Al solit, a cònt fàt gnet’äd bòn;

Kutuzov cuator: insòma a’s vèda che in pianura a’l ne’s cata miga bèn, n’andadùra imbarasànta, na mìssa da trisètt o da conchèn pù che zugadòr! Mah!;

Lucarèli sèz: sens’ätor mèj dispost rispèt a l’an pasè, so cuant chilo in meno, sperèma c’al càta al gol a la zvelten’na e c’al ne lèsa pù lì;

Paloschi sèz: un gol magnè incredibil, ma cualitè impègn e bon’ni zugädi, un gran bel colp äd marchè second mi ! avanti ragasèn sensa paura;

Cagni sèz: cuàtr’atacant j’en un po’ tròp, però in complès a’s vèda parèci còzi positivi, certo ca gh’è da andär in forma subìt sionò a’s perda di colp bèle a l’inìzi e a’n va miga bèn;

Public dèz: sens’ätor da serie A, Curva meravigliosa, e tut al resta a drè! La serie B la podrìss sarvìr anca a nojätor a tornär coj pè par tèra, a condisiòn c’la dura n’àn e basta! AVANTI CROCIATI!!!

Crociato +63+

Le pagelle 2008/2009