Bucci sèz: äd fiducia Luca, chi guànt mètogh dal Vinavil e camomilla a demigiàni dai su sta trancuìll a nojètor a’t gh’è da dimostrèr gnenta, a’t vrèmma bèn e basta dònca cälma e gèss;

Zenòn sèt: m’al sèt che in curva i’t ciàmon tutt Dino? Mo che lavor dì, adèsa a’t gh’è da gnìr a strichèr il màn a tutt j’abonè sa t’al vòl fèr fin’in fònda!;  

Falcò sìncov: chèra al me Giulio, a m’è d’avis che a’t vagh a comprär la scärpa dèstra da Bia e la sinistra da Carèta, in t’al repärt d’il casètti da fiòr!;

Paci òt: adèsa j’ho capì tùtt, quand l’è tut ben petnè, lampadè, truchè da razòn a’l fa na gran partìda, sionò al fa imbàsti parchè a’l ne vòl miga andär in televisiòn s’al n’è miga tut a post c’al g’ha paura äd gnìr mäl;

Castlèn sèz: suficènsa tiräda pr’ì pè, parchè in t’al second tèmp l’ha sburlè e mìs in mèza na cuälca bala intere santa, ma al Pavlén äd l’an pasè l’è ancòrra a Folgaria;

Moròn dèz: partìda äd na cuantitä impresionanta, da quand’a s’è restè in dèz, l’ha zughè par dù e mèz, un zugadòr c’al restarà par sempär in t’al còr di pramzàn sensa se e sensa ma!;

Mariga zèrò: al Ghiro l’èva bèle capì c’al gh’èva da pagär dù alenadòr anca st’an, elòra par risparmiär un cuälc bagaròn, a’l t’ha comprè sensa optional ah? Versione base, la cognisiòn l’era “fuori capitolato” mo s’è vìsst bèn jerdlà sìra wè!;

Gasbaròn sèt: bravo Dante te’m sì piazù un bel pò, a sacrificärot cuànd a sèma restè in dèz in t’na posisiòn c’la n’èra miga la tòvva, e un gran bèl cross sul gòl, propria na gran bala;

Reginaldo sèz: almeno a’l pära pù trancuìl, pù sicur, gnent’äd speciäl par caritä, ma na cuälca mòsa da Cohiba insìmma a c’la fascia lì la s’è vista, compresa còla d’in do l’è riväda la punisìon d’al prìmm gol;

Corrè dèz: signore e signori, a g’ho al piazèr äd presentärov un Profesionìssta con la P grànda, a n’ho miga dìt un fuoriclàsa, a j’ho dìt na parsòn’na sèria, che stì pùr sicùr che quand l’ha fnì a’l n’ha miga lasè indrè na gòza äd sudòr!;

IgorBudanlèbòn dèz: se Dio vòl l’è rivè ! Igòr Budan l’è bòn a cantäva di ragàs in curva, e in cantavon miga na stupidäda ì dzèvon la vritè! Fondamentäl par la salvèsa, asolutament fondamentäl;

Dessena dèz: dèz e basta, anca sl’ha zughè un cuàrt d’ora, na voja, na grènta, se Dio Vòl a’l Daniele äd Bològna, decizìv pr’al rigòr, a’n podì miga imaginär con che gioia a pòs tornär a där un dèz a col PRAMZAN chì!;

Cuper òt: bravo Mister, a sèma partì col pè giùsst, mò l’important l’è rivärogh in fònda col pè giùsst, ma son persuäz c’al la sa mej che mi…èlora, pochi paròli e zò d’la lègna, e sciafadòra sempr’in mòt!;

Tifòz nòv: miga dèz parchè a’s pòl fär ancòrra un cuelètt mèj, mo anca in Curva e al Tardini in generäl a s’è imbrochè la sträd giùssta, tant’al sèma ca sèma fondamentäl, e in t’al moment in do sarvìssa i TIFOS CROZE’ i rispondon sempär PRESENTE c’me solament’à Pärma a sèma bòn äd fär ! AVANTI CROCIATI!!!

Crociato +63+ 

Le pagelle 2007/2008