Luca sèz: còl gir a Fontanlè a ne’t l’è miga fat ah Luca? Prenota a la zvèlta parchè chi csì l’è drè a gnir scur bonôra;

Col’lì du: rigor cavzè, confuziòn, sbarädi a la carlon’na mo che repertòri d’tristèssi a sèma mis bén bombèn li’csì a dèstra;

Falcò sincòv: a’l s’è fat bruzär da Carrozzieri, gnanca a’l fìss Mennea; pù che pisòn un nador, mo a’n vrìss miga fär l’elenc a’d la lipu andär a la fèn dl’an;

Rossi sèz: al miôr dardè, a’l n’ha miga pers la tèsta ù a vint’an in mèza a’l desèrt l’è zà quèl;

Castlè sèz: almeno l’ha lotè l’ha scancrè, l’è andè su e zo c’me un desprä, sensa cavär fòra niènt äd’bòn d’acòrdi mo almeno l’ha bagnè la crozäda d’sudôr;

Parravicini trì: a’m tàca a gnìr al sospèt c’al sia stè un zugadôr monouso c’me i piat äd’la fèsta äd l’Avis uzä ‘na volta a’l ne va pù bèn;

Morrone sincòv: almeno l’ha còrs c’me n’äzon mo par la qualitä a’g vòl i nas;

Cigarini quator: tato l’è ora d’acelerär, in camp l’autovelox a’l ne gh’è miga;  a’t fè pù fùm ti che na grigliäda;

Pisanu sèz: al meno pèz anca s’al s’è magnä un gol ca podèva voltär l’infritäda in t’al prim temp, mo n’ètor zugadôr da l’an pasä;

Paponi tri: chilù al vol mandè in serie C a ciapär d’il strènghi, sionò al ne madurirà mäi parchè in serie A in g’han gnanca bizògn’äd piciär;

Reginaldo du: Cohiba, a Pärma a’s zuga con un balòn e basta, s’at vè drè n’ätor pò a c’la manèra chi al prìm circo ca pàsa al ghiro a’l te cambia con un pajàss;

Dessena sèz: almeno l’ha dè zò la pôra da un quèlc garlètt almeno col lì;

Mimmomorfeo ot: par còl Mimmo ca vèn dòpa, chilù l’è sèmpor ròt, a’l pòl zugär dèz partìdi l’an, ch’il dèz partìdi lì al g’ha da zugär punto e basta capì Mimmodicarlo?;

Mimmodicarlo du: oh Mimmo cminsäma a färni ‘na giusta? No parchè la tàca bèla a spusär, e sèma apén’na a la secònda fèsta dl’an;

Societè sèz: dèz par la bòn’na vlontä, second mi du par la competensa d’i pcä d’inespariénsa in t’al marchè, dzèma che tùtt c’la pìla lì la’s podèva spéndor mej;

Tifos dèz: andär a Bergamo par fär c’la figura lì a ribadìsa che i miôr in t’al baracòn d’al calcio j’en sempr’i tifos, coj d’Pärma ancòra d’pù.

Crociato +63+

Le pagelle 2007/2008