De Lusìa…sèz: un pèr d’usìdi ben fati in t’al prim temp po’ basta!!! Tut somè in l’han gnanca disturbè trop…percò c’me mèj tutt’il curvi avarsèri i’g l’han con lù??? n’è miga c’al sia fùrob c’me Sebarossi o Pagliuca par chès???;

Col lì…sèt: in cò la miglior partìda con la Crozèda adoss…bèl tgnìss, codign, dzèma c’al g’ha da sfrutèr ed pù c’la ghigna li ca g’sarìs da stèrg a la lèrga solament a guardèrol;

Paci…sèt: la vèn’na strìca l’è durèda par forton’na ‘na partida e basta ! incò al corasèr l’è tornè via dal quirinèl e al s’è impiasè ancòra in mèza a la difesa d’i Crozè…e po’ a la fèn d’la partìda l’è sempor còl pù carogh a esultèr sòta la Nord!!! Bravo, bravo!!!

Rossi…ot: a gh’èra pront un bèl dèz, ma sul gol l’ha dormì un po’…a dir la vritè l’ha fat un gran gol Doni pù che na dormida Rossi, mo ad ogni modo…ot n’è miga un brut vot…l’ha salvè na bala dòpa da paura…a’s gh’è slongè la gamba c’al parèva tiramòla col d’i fumètt da chi indrè…..spetacol;

Brochèt…sinc: odiomama chilù l’è sempr’in mèza c’me un giovedì…sul gol ed lalòr al s’è fat bèvor c’me un ragas picè…no rimandè a Setembor…l’è che Setembor l’è apen’na pasè c’me s’fa??? A’s toca mandèr’l al Cepu se Bondi al ghè pèga i’l lesiò…a la vèd dura;

Ciaramitaro…sèt: la miglior partida anca par lù…al g’ha mis meno temp che Coly a fèrla almeno…miga un fenomeno mo incò contra na discreta squèdra al n’ha miga figurè mèl ansi, a la distansa l’è carsù bombè…al g’ha sèmpr’un po’ trop al cul da spòsa mo tut somè l’è anc a drè a dimagrir…l’è la maja bianca cl’al frega…a’g resta col nastrè cl’è propria un po’ trop poc pramzàn…; 

Gasbarò…sinc: eh gnenta…a ne g’la chèv miga a fèrmol piasèr…dzèma anca che lù al ne fa gnenta par fèros gòdor pr’adèsa…al pèr un nadrèn d’al laghèt d’al pèrc quand’al còra con ch’il manen’ni da ballo del qua qua a la l’indrè…mah…;

Grèla…ot: al vot l’è tut par la fredèsa a tirèr col caplavor ed rigor…pr’al rest al n’è miga in forma smaglianta…l’è drè a paghèr i Mondièl da fenomeno…ad ogni modo quand la bala la riva a lu l’è sempr’un bel lavor...;

Dessena…ot: partida ed na sostansa spaventosa…l’ha cors…l’ha dè e ciapè d’il gran botì…al n’ha mèj fat un pas indrè…oh tato dai c’at vrèma acsì…un giovòn Crozè con al cor in man…;

Budan…sèt:  oh al signa regolarment, al taca a stopèr na quèlca bala…al taca a zughèr con d’la maruga…vot che Dessena o Rossi i g’abion tradòt  i consìli ca gh’èva dè ……osia ed fèr d’al mur??? Andèr a la fèn dl’an al farà pù gol che Corradi s’al va avanti acsì…anca se con Corradi a fa molt pù gol ch’j ètor…però quand’al còra al pèrapù un gabià che un cristià…;

Muslimovic...sèt: dzèma cl’ha lasè al sign ecome quand l’è entrè…al g’ha di numor miga da ridor chilù…a gira vosa c’al sia tant mat che Tino in confront l’èra un catechista…mah…al fradèl ed fontolan ad ogni modo l’ha fat un gran gol e regalè vint minud ed vita in pù ai nòstor còr pramzan;

Castlè…: a’g dag miga al vot mo l’è gnù su bèle stùf…a’s vèda che al preparador al ghe fa fèr un riscaldament dur un bel po’…;

Mimmo…nòv: a’l l’ho tgù pr’ultom dopa gènva par dèrogh la càrga…al ten pr’ultom anca in cò par fèrogh n’aplauso incondisionè…acsì a’s comporta i lìder…sostansa sostansa e sostansa…dato che al rest a te’g l’è ad natura…colèga al sarvèl un po’ pù de spèss e a’t si a post ! un grandisim zugador, l’assist d’al tèrs gol l’è un caplavor da portèr al lùvre...adiritura calcolè la figuràsa d’al difensor…e coj c’ha zughè a balò i capìson co voj dir…adèsa cicio sta miga a fèrot cazèr fora a siena sionò a vèn parsonalment a dèrot na psèda in t’al cul;

Pioli…sèt: a’s vèda che la lesiò in Calabria la t’è sarvìda…parchè in dificoltè a t’è mis su n’ètra pònta e t’è vèns la partida…ad ogni modo l’èt capida che Rossi e Dessena j’en di titolèr fis??? E con Couto co è suces??? Wè che sabòt a Siena Mariètt l’è là c’al spèta i so ex...sèrca ed fèros miga gnir di rimpiant intesi???

Curva…sèz: bèla dopa al tri a vòn e basta…bè d’ogni tant a capita anca la domenica meno brilanta anca in Curva;

Dai ragas ca fèma almeno na stmana a respirèr apen’na un po’ pù d’osigeno

Crociato+63+

Le pagelle 2006/2007