Luca…dèz: a’n te vdèv l’ora c’la fnìss incò......ah Luca.........e se Dio vol fèr c’la corsa vers’la to Curva, vers’a colà cl’è la tò genta........anca incò dò parèdi al moment giust..........concentrasiò da campiò!!! Ult’ma parola........GRAZIE!!!;

Col’ly…ot: trigambi a’l parèva in moto incò....al prim temp incontenibil…….col chèld l’è gnu fora a’g parèva d’issor in t’al desert a chilù c’me a cà sova…;

Paci…òt: da quand l’è tornè su……al n’ha pù sbagliè na partìda………..anca in cò sbagliè poc o gnenta…..al pilolò l’è dvintè quèsi svelt;             

Nando...dèz: Nando spetacolèr anca in cò……..a conferma cl’è c’me al Barolo, mej adèsa che a vint an………pù tranquil meno siòc………n’ètr an ed contrat a’n darìs propria miga fastìdi a nisò;

Castlè…dèz: la me scomìsa vènsa a la grande!!! Bravo Pavlè……in cò a’t si stè in ti prim dan e t’è spetè ed fèr fèsta…;

Grèla…nòv: al Grèla dl’an pasè………codign da mat………posisiò da la Madona, e du pè miga da ridor…………col calibro e al goniometro…….second mi a Palermo a ne’g va miga chilù;

Parravicini…dèz: prim temp spetacolèr………..l’ha catè su un bìlic ed balò……..e l’ha dè na bala spetacolèra a igor sul gol……..sarìs un delìt pèrdrol;

Dessena…ot: eh purtrop la srèza insìma a la torta la’n gh’è miga stèda in t’al sens che al gol d’la salvèza a’m sarìs piasù c’al podìss issor d’al pramzan d’la squèdra…….ad ogni modo bravo bela partìda anca in cò lòmo…;

Muslimovic…nòv: al s’è dè da fèr c’me un mat ….gran bel gol gran corsa e un lotadòr……à g’n’è stè basta……al s’ha evitè un bòn otanta minud a risc’infèrt…;

Rossi…sèz: so quant numor da fenomeno par col ragasòt chi c’an se scordarèma miga tant facilment!!! Compliment e grasie Pepè……e magari pensogh su n’ètra volta prima d’tornèr ded la da l’acqua;

Budan…dèz: bravo Vigor……..muscol corsa lòta e un golèt………….co vrèma ed pù??? Gnenta schèrs par st’an quel ah???;

Gasbarò…dèz: l’as ed briscola ancora na volta…….l’èra bele tut a post e lù a scancrèr par fèr n’ètor gol……..e al pù carogh a fèr fèsta…;

Mimmo…dèz : parchè sibèn cl’ha zughè un brancò ed minùd l’ha zughè con la testa giusta……..e dato che col c’ag manca ed solit l’è propria la tèsta……….un bel dèz anca par Mimmo;

Ranieri…sentdèz e lode: Mister……….adèsa che c’la cosa la l’è rivèda……….co’g dìghia??? A son sensa paroli……..a’m piesarìs soltant brasèrol su un po’………par via cl’ha fat na cosa spetacolèra………con na serietè………….na clàsa……….na signorilità………da lasèr sensa paroli……..ansi con na parola e basta………GRAZIE!!!;

Ghiro e compagnia bèla…sentdèz e lode: ragas………..grasia’d tutt anca vojètor……parchè nisò a’m tira via da la tèsta che con al cornaciò de st’ora a s’era tutt in B……e ì arìsson fat su baraca e buratè…….chi sèma e cò vrèma nojètor a Pèrma à l’ìv bèle capì………ai ronaldigno ai cacà ai figò a’g dèma da sé………..a nojètor a’s intarèsa di crozè……..con l’armadura e con la spèda…….ca combàta fin’in ultma tutt’il fèsti…;

Public...sensa vot: parchè n’esista miga un vot pr’un public acsì……divers da tutt, al moment che in qualsiasi ètra citè a’s sarìs molè……….d’incant quatormila pagant in pù ogni partida…..dopa al decreto ridicol d’la Melandri……..inveci che calèr è radopiè la genta in trasferta………….e la voja ed fèr fèsta tutt’il volti……parchè in serie B Pèrma la ne’g pol miga andèr……….la’n gh’è mèi andèda, la’n gh’è miga andèda stavolta, gnanca con Bondi, la’n g’andrà mèj pù.

Bò ragass……..a’g sèma in fonda…….a spèr d’aver mèj rot il bali a nisò……d’avèrgla cavèda a tirèr fora un mès sorìs specialment in chi periodo in do gh’èra da cridèr continuament…….la speransa l’è d’issor stè positiv, d’aver trasmis la voja ed miga molèr a quelchidò……d’aver fat un quelèt d’util par la crozèda……..e par la nostra genta, la nostra citè……….e l’ultom pinsèr a’l l’ho tgnù par chi a’n ghè pù………ca sarìss me pèdor…..Ginetto…….un còr Crozè da bò……c’am pièsa crèdor che tutt’il fèsti al sia lasù in èlta con al Grande Ernesto a bruzèr c’me di falò………e second mi jer in t’al sinc’ori a parèva ca tronìss……inveci j’èron lor chj’han sturè na quèlca botìglia…….e linsè un quelc salam……

L’ultom grasie l’è pr’i ragas dal Setòr e d’al sito…(ragas, al Muro sa se’g la cavìss a rèvrol ancora…..magari con un quèlc blocc in pù sarìs al masim)…chi m’han mis a disposisiò un mucc’ed spàsi (ed pasiensa) e par tutt vojètor ca’v sì tot la briga ed lèzor ed compatirom pr’un an intrèg; tgèma dur ah che al Pèrma e la Crozèda i’n n’en miga na moda arcordìl sèmpor!!!

       NOI NON RETROCEDEREMO MAI ! AVANTI CROCIATI !

Crociato '63

Le pagelle 2006/2007