Luca…sèt: a frèd l’ha fat na parèda d’la Madona……e second mi ciapèr gol lì……bon’na not sonadòr…ormèi l’è uficialment con la testa tonda…ed spìgh gnanca pù l’ombra;

Col’ly…sinc: intrèg c’me na rezdòra da ch’indrè…….ed còli col scosèl……con chi cul ca fèva provincia e i cavji celèst……sempr’in savàti e di pè ca parèva di cotghèn…ecco chilù l’è tèl e quèl…;

Contè…sèz: oddìo Lucarèli na quèlca volta l’èra da lù c’me un càn……mo tut somè l’è carsù a la distansa e l’ha dè sicurèsa……a s’è capì insòma cl’èva tot il pastigli giusti par l’arterio ste gir;

Nando…sèt: al mijor là’d dardè c’me al solit……adèsa par la causa al s’è anca mis a buschèr inveci che dèrja via………mej acsì……quand’al riva in fonda a la stagiò al vol slonghèr n’ètr’an al contrat elòra al se da da fèr c’me un mat;

Castlè…sèt: gran bela partida………sempr’a sburlèr a fèr l’om adoss a j’avarsèri……un bèl sinistor…par forton’na dzèma che con la me scomìsa a l’inizi dl’an a j’ho fat a pèri…Maldini e Roberto Carlos j’en n’ètra cosa d’acordi……mo in c’la banda ed savatòn chi…al fa la so figura ecome…;

Cigarè…quator: Calimero nani…chi a vòl dè d’boca miga fèr la sioren’na……e sta miga dir è un ingiustizia però…nè chèrna né pès……un polastrèn d’alevament;

Parravicni…sèt: al mèta anca la pèrta ed Cigarè par tgnir su la baraca, ansi dzèma che al prim temp a centorcamp l’ha zughè da lù………zugador scolastic…….mo almeno a scòla al ven promos parchè in c’la squèdra chi tra Cepu e Carducci……i fan afèri d’or vaco d’un mond…;

Mimmo…sinc: eh Mimmo…purtrop n’ètra stèca…sperèma che l’acuto al sia ancòra in sacòsa…mo l’acuto da fèr col schèrpi da fòlbal miga col microfono ed la sèla stampa ed Colèc capì??? A vrìs c’at stis in silensi da chi a la fèn d’al campionè…e c’at fìs il partìdi e il zughèdi decisivi……..e po’ si c’at podrìs parlèr………fin’adèsa Morfeo nador……provèma a tirèr via col strisciò da la to stagiò???;

Gasbarò…ot: partìda da sèz…….sèz e mès al masim……mo l’ha spudè l’anma in camp……elòra al me vot al crèsa……na partìda da Cròze………con l’elmo in tèsta e al scud a l’arembag……l’è andè fora coi cramp……parchè l’ha fnì tut’j energii in camp……bravo bravo…l’è drè a crèsor……e l’è von ed coj c’al ghe crèda pu’d tutt…onore al merito;

Rossi...ot: no fin’a l’ultom minud l’èra al so pupàs catè in tl’ov ed Pasqua……un bagajèt  mol sens’anma sensa forsa sensa grènta sensa gnenta………e po’ zacchete……l’è gnu su l’originèl………un gol da fuoriclasse elora al dù cl’èra bèle pront in t’al cavagn……..l’è dvintè un ot………oh nano………a voj ètor sinc gol da chi andèr in fonda…;

Budan…sèz: suficent parchè quand’a manca i gol………al he mèta i chilo……e con la squèdra ed rondanen’ni ca gh’è…un bel novanta chilo la su i sarvìson e miga poc………con la speransa che al camlò al s’arcorda a la svelta c’me cazèrla dentor;

Dessena…sèz: dai nano dai…………pian pianè……con fadìga……sarchèma ed lasèr dardè al stupidèdi e tirèr inanz……e spudèr sàngov fin’in fonda……pensa che bèl ca sarìs se al gol d’la salvèsa l’al sgnìss un pramzàn……e chi podrìs issor col pramzàn lì??? E va a dir a Ranieri in tn’orècia c’al te faga zughèr in mèza……dig ca tl’ho dit mi…;

Ranieri…sèt: mister forsi l’è al prim bel vot c’ag dagh ( ag dag miga ed tì parchè mi coj tutt’incravatè ch’in sudon gnanca con stanta grèd i’m mèton sogesiò ), a son content parchè chi ragas almeno i dan tutt adèsa, sensa tanti bali, al zogh e al spetacol a col pont chi a’n j’ho gnan caghè…l’important l’è fèr dl’ovra e di pònt……e molèr miga……c’me j’ho dit so quanti festi indrè…molèr miga……che in serie B a g’ha da andèrogh dj’ètor miga i Crozè;

Public...dèz: …sensa fèr d’j ètor coment………coj ca sl’è meritè al dèz……j’al san da lor……basta acsì.

Crociato+63+

Le pagelle 2006/2007