Mah…bruzèr a bruz bombè…quand’a pèrda al Pèrma l’è automatic…stasìra parò a bruz un po’ meno…in t’al sens ca j’ho vist na squèdra con d’la cognisiò, ben mìsa, c’la m’da na bèla fiducia da chi inans…

Sa c’andèma sensa tanti bali

Santa Lusìa…sèz: purtrop su la punisiò al parèva tachè con dal vinavil……..pr’al rest l’è stè c’me Giucas casella……ì restèvon tut ipnotisè quand’i rivèvon li davanti…..dai ten dur c’at vèn fora un bel portèr;

Col lì…sèz : l’era partì bèn……….al second temp però da la so pèrta al parèva al Mugello……….i’g pasèvon tut d’inans ai dosènt a l’ora……..ad ogni modo pr’adèsa l’è migliorè un bel po’ da l’an pasè;

Paci…sèz: codign l’è codign………al g’ha du pè c’me il fiorieri d’via Cavour mo fa gnenta……..al ne g’ha miga da fèrol lu al maradona in c’la squèdra chi;

Contè...ot: a forsa ed dai e dai vot vèdor c’al dventa un zugador? spetacolèr……al n’ha miga sbagliè na bala……..…l’è stè un p’chè cl’ha fat al fal d’la punsiò dal gol quand’al ne serviva miga…; 

Castlè…sèz: miga di gran cross ma da c’la pèrta lì l’ha fat tribolèr bonera e miga poc……….l’è drè a crèsor…;

Grèla…sèt: la solita parsonalitè……….zò al capèl….na grinta alucinanta…….sul gol magnè ed gasbarò l’ha fat vèdor co vol dir zughèr con concentrasiò e con do bali da la madona ! un crociato onorèri…..zamagna rinova col contrat vaco mond dai là;

Gasbarò…sinc: prim temp invisibil……..un fantasma………..al second temp l’è tornè su trasformè………mo ancora trop pistapòci………e po’ figa s’al pasa c’la bala in mèza………l’è gol fat………ad ogni modo al pèra su la strèda dal riscat;

Kutuzov…sinc: No no ragas………al vol portè dal profesor Strata prima c’al posa fèr quel………….al pè al pèra gnan malass……….ma al fa trì pas in t’un quadrèl…;

Ciaramitaro…quator: completament invisibil…………wè Maurizio bèle at gh’è un nom ca se g’la chèva miga a scurtèrol o strupièrol……….elora dventa un casèn ciamèrot con un stranòm……….pò s’at zugh c’me in cò………….dai dai dai nano animo……….dai che chi a’n magnèma nisò……………a’t spetèma……….a gh’èma fiducia……….mo dagh a drè;

Pisà…sinc: l’è dsèvod………..al ne sa d’gnenta………un gran porèr e po’ a la fè an t’è gnan d’avis cl’abia zughè………..nani zontegh d’al sèl……………sionò a ne’g sèma miga;

Mimmo…sèz: al zughèdi al j’ha provèdi……….purtrop contr’al milan l’è dura ch’ig vènpn al zughèdi….però al g’ha avù un bel ategiament da capità………..l’è stè positiv anca sl’ha zughè mèl;

Budan…sinc: Budan…………budèn………..budèl………..ecco al parèva fat ed budel………..col budèl gentil da salam………….l’è stè fin trop gentil………..un gigant col gambi moli…………po’ se gasbarò al g’avis pasè al balò…………mo coi se e coi ma;

Stefanè…sèt: tut somè s’è pers col milan par na punisiò e un rigor……….e na squadra ben misa……….convinta………tranquilla e inteligenta………….dai dai c’andèma bè stefanè continuèma acsì;

I nostor tifos…nov: sarà stè la prima ed gran galà………sara stè c’as respira n’aria ed fiducia………a gh’è stè na bela curva e al rest d’al stadio cl’ha rispost abastansa bèn………….risultè un bel tifo………a gh’è di bei presupost par na stagiò da cavèros na quèlca sodisfasiò………tgnèma dur fin da l’inìzi c’andèma lontà!!!

Bò ragas adèsa vag a lèt tant a’s catèma da chi a tri dì sperèma un po’ pu sorident almeno par col ca riguèrda la classifica

Crociato+63+

Le pagelle 2006/2007