E dai c’as partìsa par n’ètra aventura. Elora al prim tocc al son drè a butèr zò al dopmezdì prima d’la partìda…Second mi la sarà n’aventura da bò parchè a adèr via i sèz o sèt pù fort ed l’an pasè...parò Zamagna c’me al solit a gh’è tochè i nòss coj figh sècc e second mi...a boci fermi al n’ha gnan fat malass. I du cornaciò ormèi i’n meriton gnanc’al vot…i’m fan imbasti e basta…Bondi dù d’novembor in particolèr ...Angiolè al c’manda c’me carlè in francia povrètt...

Par via d’j abonament al vot l’è quator sècc par via che in t’al dumila e sèz a ne’s pol mighè girèr con un birocc par la provincia a catèr su d’j abonè…risparmièr si mo dailà

Però quator al dagh anca a chi “tifos” ch’j han catè c’la scusa chi, còla ed calciopoli e tanti ètri par miga abonèros…no ragass  ì pòlon fèr còl chi vòlon, mo al me Pèrma i’n m’al tiron mighe via gnanca a morir…po’ ag sarà d’j ètri formi ed protesta…domenica pr’esempi quand’rivarà al milan d’al plè e dal nano a gh’è da creèrogh n’ambient d’atorna ch’i s’han da caghèr adoss…capìììì ????? costa l’è la vera protesta, mo andì tut a abonèrov c’an gh’è ne se ne ma…al Pèrma l’è al Pèrma vamolà

E adèsa partìma col pagèli…a bòta chèlda…ancora col fiatò…figa che bruzòr ed cul…a m’è d’avis che i pompèr i g’han da fèr i straordinèri a smorsèr tutt i bruzòr ed cul ed cl’ultom minud ed merda

A digh subìt che ai pramzan ag darò sempr’un vot in pù Dessena, Sèvi (sperèma ), Rossi e Stefanèn Pioli

De Lucia…sèt: oh fin’a jerd’là pù che De Lucia a parèva Santa Lucia la santa di cieco…in cò l’ha fat d’il gran parèdi, na mèza cazèda sensa conseguensi in fonda…sul gol a ne’g podèva fèr gnenta;

Col lì…sèt: figa al parèva n’ètor da l’an pasè…vòt vèdor c’al fa la stesa storia ed Grèla ????? o magari l’an pasè al n’era mighe lù mo vòn ed chi maumau ca vènda i libor di scritor senegales in piàsa;

Paci…sèz: un pèr ed buz…mama mia…sarà stè col mascaròn lì c’ag èva fastidi…dai ag vol dè un brisinèn ed temp;

Al Capità…sensa vot: l’è stè su zinc minud…al n’ha gna sgarblè un balò;

Contè…sèz: l’era ot fin’a l’ultom minud…al parèva un ufo…po’ al s’è fat anticipèr……e ciapa al gol;

Castlè...sèz: ordinè…gnenta ed pù…pr’adèsa a’m vena fora gnenta ed pù su col ragas chi;

Grèla...nov: un GRAN zugador...capità...padrò d’al centorcamp…frèd precis dur lucid…e un caplavor con la traversa…un nùmor da maradona…l’acquist pù gros de st’an…;

Dessena…sèt: l’era sèz wè tato…un vot in pù e’t riv a sèt…ad ogni modo at si un bel zugador…grènta pochi bali e pochisim sbalj...;

Gasbarò...sèz: brèv...mo un po’ trop pistapòci pr’adèsa…comunque al me piès…al pol sostituir col là cl’è andè via e adèsa al zuga in serie B hehehehehe…; 

Kutuzov…sinc: mo c’me a’s fa a zughèr in serie A con na bodriga a c’la manèra li ???? dai là…second mi al ne tardia mighe bombè a fèros catèr da Benecchi al marcordì sira a bèvor di bicèr;

Pisà…sinc: da lundì sira a rai3…chi l’ha visto…no dai cicio…a’t gh’è da fèr pù ovra…;

Mimmo…sèz: la solita testa ed lègn…un ufo pr’89 minud…un pasag a budan da silvan…e na casèda sul gol d’al torè da ragas picè…mo c’me s’fa a l’ultom minud a vrèv fèr un pasag ed pèt a metè camp ???? figa mimmo che sùca c’at gh’è…suclonas ca ne’t sì ètor…;

Budan…sèt: ‘na pònta c’la fa al gol d’al von a zero l’è sèmpor suficenta…pò l’ha fat un gran gol e lotè col còr…anca sl’èra da lù c’me un can in cèsa…bravo dai;

Muslimovic…sinc: wè cicio…con col nòm lì…a’s vèda che coj ca costa poc i g’han di nom tut ravojè su…mo ti e vodka4ever sa gnì su j’ùltom vint minud, a gh’iv da spudèr al sanghev…sèmion spighè...;

Stefanè…sèt e mez: bravo stefano...riscè poc o gnenta…al sariss’e stè un nov…pò j’èma ciapè gol mo la prestasiò l’è stèda positiva al masim…squèdra compata unìda…frèda…sbagliè poc riscè poc e decisa…insòma un crozè cl’ha mis in camp na squadra crozèda…avanti acsì domenica a sarèma tutt con vojètor;

I nostor tifos…ott: a chi poc poc poc ca gh’era…mo s’èn fat vèdor e sintìr…e domenica a m’arcmand a tutt…al milan a pèrma al ne g’ha miga da zughèr capì ?????? i g’han da caghèr’adoss fin dal sabot !!!;

Al Public d’al Torè…sèz: a’m spetèva molt ed pù da un public storic apen’na promos…mèza delusiò.

L’ultma a chi ragass d’al Setor…dai là ragasssss…al Muro, al Muro, al Muro…al vrèma onlàin tutt…

A’s sintìma la s’tmana quel dop’al Milan…e s’ha j’ho scritt na queèlca cazèda pardonìm parchè l’era la prima anca par mi.

Stì ben tutt i me bèj crozè e a m’arcmand domenica…a’g sèma in poc mo contra a chi disonest d’i milanes d’al plè e d’al nano…tutt cativ c’me l’aij …i g’han da caghèr’adoss…e nojètor pramzàn s’a vrèma a sèma bon ed fèr caghèr adoss tutt…dai dai dai dai.

Crociato+63+67+

Le pagelle 2006/2007